༧གོང་ས་མཆོག་དྲྭ་ལམ་བརྒྱུད་སེམས་དང་སྲོག་གི་བཀའ་མོལ་ལ་དབུ་བཞུགས།
ཕྱི་ཟླ་དྲུག་པའི་ཚེས་༢༠ ཉིན་བོད་མིའི་མགོན་སྐྱབས་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་༧རྒྱལ་བའི་ཕོ་བྲང་ནས་དྲྭ་ལམ་བརྒྱུད་སེམས་དང་སྲོག་གི་བཀའ་མོལ་ཞེས་པའི་ལས་རིམ་ཐེངས་གཉིས་པ་དེར་དབུ་བཞུགས་དང་འབྲེལ། ཏོག་དབྱིབས་རིམས་ནད་འདིའི་ཁྲོད་ལས་སྣེ་བ་རྣམས་ཀྱི་མཛད་རྗེས་ལ་ཡི་རངས་དང་། མང་ཚོགས་མི་རེ་ངོ་རེས་སེམས་ལ་དངངས་སྐྲག་མ་བྱས་པར་བསྡད་རྒྱུ་གལ་ཆེ་ཤོས་ཡིན་སྐོར་བཀའ་བསྩལ་གནང་སོང་།
