ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་བོད་རིགས་གཞོན་སྐྱེས་རྣམས་ལ་ཉིན་གཉིས་རིང་གི་ཆོས་འབྲེལ་བསྐྱངས་པ་དང་། ཨ་རིའི་གཞུང་བུན་ཚད་བཀག་ཐད་དེ་རིང་གྲོས་ཚོགས་སུ་བགྲོ་གླེང་། ཏུར་ཀིའི་སྲིད་འཛིན་གསར་པ་དང་ཨ་རི། ཨུ་རུ་རུའི་རྒྱལ་སར་གཏོར་རྒོལ་བཏང་བ། ཨ་རི་དང་རྒྱ་ནག་གི་འབྲེལ་ལམ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་རང་བཙན་སློབ་ཕྲུག་ཚོགས་པའི་ལས་འཆར་འབྲེལ་མཐུད་བློ་བཟང་ཚེ་བརྟན་ལགས་དང་ལྷན་བོད་མིའི་རྒྱུད་རྫས་བསྡུ་བཞིན་པའི་རྒྱབ་ལྗོངས་ཀྱི་གནད་འགག་དང་དེ་འགོག་ཐབས་ལ་ལས་འགུལ་སྤེལ་བཞིན་པ་བཅས་ཀྱི་ཐད་བགྲོ་གླེང་ཞུ་རྒྱུ་དང་། དེ་བཞིན་དུ་ཨུ་རྒྱན་བསྟན་འཛིན་ལགས་ཀྱིས་ཝཱ་ཎ་དབུས་བོད་ཀྱི་ཆེས་མཐོའི་སློབ་གཉེར་སློབ་ཁང་གི་ལོ་རྒྱུས་སློབ་དཔོན་དང་ཉམས་ཞིབ་པ་ཤ་བོ་རྟ་མགྲིན་ལགས་དང་ལྷན་དུ་བོད་དང་ཧི་མ་ལ་ཡའི་ས་ཁུལ་ཁག་གི་ཆོས་དང་རིག་གཞུང་གི་འབྲེལ་ལམ་དང་དེའི་གལ་གནད་སོགས་ཀྱི་ཐད་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།