ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་ཏཱ་ལའི་བླ་མ་འཕགས་བོད་གནའ་རབས་རིག་གཞུང་ལྟེ་གནས་ཁང་འཛུགས་སྐྲུན་ལས་གཞི་དབུ་འཛུགས་དང་། དགེ་ལུགས་པ་སྤྱི་མགྲིན་ནས་བརྟན་བཞུགས་བསྟར་འབུལ་བྱས་པ། ཨ་རིའི་གྲོས་ཚོགས་ཀྱི་ཚོགས་གཙོའི་འོས་འདེམས། རྒྱ་ནག་ཏུ་ཏོག་ནད་ཁྱབ་གདལ། ཡུག་ཀེ་རན་གྱི་དམག་འཁྲུག་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་འཕགས་བོད་གནའ་རབས་རིག་གཞུང་ལྟེ་གནས་ཁང་གི་ལས་འཆར་འགན་འཛིན་བཀའ་ཟུར་བསྟན་པ་ཚེ་རིང་ལགས་ལ་ལྟེ་གནས་ཁང་དེའི་དམིགས་ཡུལ་དང་ལས་འཆར་ཐད་ཀྱི་རྒྱབ་སྐྱོར་སོགས་ལ་བགྲོ་གླེང་བྱས་ཡོད། དེ་བཞིན་དུ་ཚེ་རིང་སྐྱིད་ལགས་ཀྱིས་བོད་དང་ཐེ་ཝན་གྱི་འགྲོ་བ་མིའི་ཐོབ་ཐང་འབྲེལ་མཐུད་ཁང་གི་འགན་འཛིན་བཀྲ་ཤིས་ཚེ་རིང་ལགས་ལ་ཐེ་ཝན་པའི་དམག་ཁྲལ་ལས་འགན་གསར་བའི་ཐད་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།