༄༅།། བཙན་བྱོལ་བོད་མིའི་ཤེས་ཡོན་ལྷན་ཚོགས་དང་ཤེས་ཡོན་སློབ་སྟོན་ཚོགས་ཆུང་གཅིག་ལྕོགས་ཀྱི་ལྷན་ཚོགས་ཐེངས་དགུ་པའི་དབུ་འབྱེད་མཛད་སྒོ་ཕྱི་ཟླ་༣་ཚེས་༡༩་སྟེ། རེས་གཟའ་སྤེན་པའི་ཉིན་བཀའ་ཤག་ཚོགས་ཁང་དུ་ཚོགས་ཡོད་ཅིང་། སྐབས་དེར་བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་ཐར་ལམ་སྒྲོལ་མས་སློབ་གྲྭ་ཁག་ཏུ་སློབ་དེབ་ཀྱི་ཤེས་བྱ་ཙམ་མ་ཡིན་པར་མི་ཚེའི་ནང་དུ་ཁ་ཡོད་ལག་ཡོད་བེད་སྤྱོད་ཡོད་པའི་ལག་ཤེས་སློབ་སྦྱོང་སྤྲོད་རྒྱུ་ནི་གལ་འགངས་ཆེན་པོ་རེད། བོད་པའི་སྤྱི་ཚོགས་སུའང་དགོས་མཁོ་ཆེ་ཞེས་གསུངས་འདུག་པའི་སྐོར། འདི་གའི་གསར་འགོད་པ་བསྟན་འཛིན་དབང་འདུས་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།
