༄༅།། རྒྱ་གར་ནང་རེས་གཟའ་སྤེན་པའི་ཉིན་ཏོག་དབྱིབས་ནད་རིམས་འགོས་པའི་མིའི་གྲངས་འབོར་དེ་བཞི་འབུམ་ལ་བསླེབས་པའི་ཁར་སྲོག་སྐྱོན་བྱུང་བའི་གྲངས་འབོར་ཡང་ད་བར་བྱུང་མྱོང་མེད་པའི་གྲངས་ཚད་ལ་བསླེབས་འདུག་ཅིང་། རྒྱ་གར་གྱི་འཕྲོད་བསྟེན་ལས་ཁང་གིས་གསུངས་པ་ལྟར་ན་འདས་པའི་ཆུ་ཚོད་༢༤འི་ནང་ཏོག་དབྱིབས་ནད་རིམས་ཀྱིས་རྐྱེན་འདས་སུ་སོང་བའི་གྲངས་འབོར་དེ་བཞི་སྟོང་ལ་ཉེ་བར་བསླེབས་ཡོད་འདུག འོན་ཀྱང་འབྲེལ་ཡོད་མི་སྣ་མང་པོ་ཞིག་གིས་སྲོག་སྐྱོན་བྱུང་བའི་མིའི་གྲངས་འབོར་དེ་དེ་བས་ལྡབས་ལྔ་ནས་བཅུ་མང་བ་བྱུང་ཡོད་སྐོར་འགྲེལ་བརྗོད་བྱས་འདུག་པ་བཅས་ཀྱི་གནས་ཚུལ་དེ་ཕུན་ཚོགས་ཚེ་རིང་གིས་ཕྱོགས་བསྒྲིགས་དང་སྙན་སྒྲོན་ཞུ་ཡི་ཡིན།
