རྒྱ་གར་ནི་འཛམ་གླིང་སྟེང་གི་སྨན་བཟོ་སྐྲུན་བྱེད་མཁན་གྱི་རྒྱལ་ཁབ་ཆེ་ཤོས་ཤིག་ཡིན་པ་དང་། ཏོག་དབྱིབས་རིམས་ནད་འགོས་ཁྱབ་བྱུང་བ་དང་བསྟུན་ནས་རྒྱ་གར་དུ་འགོག་སྨན་མང་པོ་ཐོན་སྐྱེད་བྱེད་ཀྱི་ཡོད་ནའང་། ཉེ་ཆར་ནས་རྒྱ་གར་དུ་ཏོག་དབྱིབས་རིམས་ནད་འགོས་ཁྱབ་བྱུང་བའི་གནས་སྟངས་ཛ་དྲག་དུ་གྱུར་བས་དཔལ་འབྱོར་གྱི་མཐུན་རྐྱེན་ཞན་པའི་རྒྱལ་ཁབ་ཁག་གི་ནང་འགོག་སྨན་དགྲམ་རྒྱུར་བར་ཆད་བྱུང་ཡོད་པའི་གནས་ཚུལ་ཚེ་བརྟན་ཆོས་སྒྲོན་གྱིས་ཕྱོགས་བསྒྲིགས་བྱས་ཏེ་སྙན་སྒྲོན་ཞུས་ཡོད།
