བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་ནང་རང་ལུས་མེར་བསྲེག་གི་གནས་ཚུལ་བྱུང་བའི་རྒྱུ་རྐྱེན་གང་ཡིན་རྒྱ་ནག་གཞུང་གིས་ཞིབ་འཇུག་ངེས་པར་དུ་བྱེད་དགོས་པ་ཡིན་ཞེས་གསུངས་འདུག་པ་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཧ་ཝ་ཡིར་མཛད་འཆར་རྣམས་ལེགས་པར་གྲུབ་སྟེ་ད་རིང་ཨ་རིའི་མངའ་སྡེ་ཀ་ལ་ཕོར་ནི་ཡའི་གྲོང་ཁྱེར་སནྜི་ཨེའི་གྷོར་ཆིབས་ཞལ་བསྒྱུར་རྒྱུ་ཡིན་པ་བཅས་ཀྱི་སྐོར། གསར་ལམ་ཁག་ལ་ཐོན་པའི་གནས་ཚུལ་ཁག་ཅིག་རྣམ་རྒྱལ་ཤཱསྟྲིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།