༧གོང་ས་མཆོག་གི་ཉིན་གཉིས་ཀྱི་བཀའ་དབང་ལེགས་གྲུབ།
༄༅།། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་རེས་གཟའ་པ་སངས་དང་སྤེན་པ་གཉིས་ལ་དྲྭ་ལམ་དུ་འཕགས་པ་སྤྱན་རས་གཟིགས་ཐུགས་རྗེ་ཆེན་པོའི་བཀའ་དབང་གི་སྟ་གོན་དང་དངོས་གཞི་གཉིས་སྩལ་པ་ལེགས་གྲུབ་ཟིན་ཡོད་ཅིང་། ད་ཐེངས་ཀྱི་བཀའ་དབང་དུས་སུ་དགའ་ལྡན་ཁྲི་རིན་པོ་ཆེ་མཆོག་གཙོས་བོད་ཀྱི་བླ་ཆེན་ཁག་དང་སློབ་དཔོན་རྣམས་ཀྱིས་དྲྭ་ལམ་བརྒྱུད་ནས་བཀའ་དབང་ཞུ་བཞིན་པ་མཇལ་རྒྱུ་ཡོད་པར་མ་ཟད།