རྡ་རམ་ས་ལར་བོད་པ་༤༠་ལྷག་ལ་ནད་དུག་འགོས་ཡོད་པ།

༄༅།། གཟའ་འཁོར་འདིའི་བོད་མིའི་སྒྲིག་འཛུགས་ཀྱི་ཏོག་དབྱིབས་ནད་དུག་ཛ་དྲག་ལས་དོན་ཚོགས་ཆུང་གི་བདུན་རེའི་གསར་འགོད་གསལ་བསྒྲགས་སྐབས་སུ་འདས་པའི་བདུན་ཕྲག་ཁ་ཤས་ཀྱི་ནང་དུ་བཞུགས་སྒར་ཁུལ་གཅིག་པུར་བོད་པ་༤༠་ལྷག་ལ་ཏོག་དབྱིབས་ནད་དུག་འགོས་ཡོད་ཅིང་། ཟླ་ཤས་གོང་དུ་ཏོག་དབྱིབས་ནད་དུག་ཁྱབ་གདལ་གྱི་ཛ་དྲག་ཆེན་པོ་འབྱུང་ཡུལ་རྒྱ་གར་ལྷོ་ཕྱོགས་ཀྱི་བོད་མིའི་གཞིས་སྒར་ཁག་ཏུ་ནད་པ་གཅིག་ཀྱང་མེད་པར་གྱུར་འདུག དེའི་རྒྱུ་རྐྱེན་གཙོ་བོ་ནི་ནད་པ་ཚོར་དུས་ཐོག་ཏུ་སྨན་བཅོས་བྱས་པ་དང་སྤྱི་ཚོགས་རྒྱང་བཀྱེད། ནད་རྟགས་ཐོན་པ་རྣམས་ཟུར་འགོག་བྱས་པ་སོགས་ཀྱི་གྲུབ་འབྲས་རེད་ཅེས་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ཀྱིས་འགྲེལ་བརྗོད་གནང་སོང་། ཁོང་གིས་ད་ལྟའི་ཆར་བཙན་བྱོལ་བོད་མིའི་སྤྱི་ཚོགས་སུ་ཏོག་དབྱིབས་ནད་དུག་ཕོག་མཁན་བོད་པ་བརྒྱ་ཆ་༩༠་ལྷག་དྲག་སྐྱེད་བྱུང་ཡོད་ཀྱང་མ་འོངས་པའི་ཟླ་བ་བཞི་ནས་དྲུག་བར་དུ་སྤྱི་སྒེར་ཚང་མས་མུ་མཐུད་དུ་གཟབ་ནན་བྱ་གལ་ཆེ། ནད་པ་དྲག་སྐྱེད་བྱུང་བ་ཚོ་ལའང་མུ་མཐུད་དུ་དཀའ་ངལ་འཕྲད་བཞིན་ཡོད་པས་དོ་གཟབ་བྱ་དགོས་ཞེས་ནན་བརྗོད་གནང་ཡོད་པའི་སྐོར། བཞུགས་སྒར་རྡ་རམ་ས་ལ་ནས་འདི་གའི་གསར་འགོད་པ་བསྟན་འཛིན་བཟང་མོ་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།

Embed share

རྡ་རམ་ས་ལར་བོད་པ་༤༠་ལྷག་ལ་ནད་དུག་འགོས་ཡོད་པ།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:07:08 0:00

ཐད་ཀར་ཕབ་ལེན་གྱི་དྲ་འབྲེལ།

• 128 kbps | MP3
• 32 kbps | MP3

གསན་གཟིགས་གནང་ས།