ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་བཞུགས་སྒར་དུ་ཆོ་འཕྲུལ་སྨོན་ལམ་ཆེན་མོའི་ཉིན་ཆོས་འབྲེལ་སྩལ་བ་དང་། རྒྱལ་སྤྱིའི་བུད་མེད་དུས་ཆེན་སྲུང་བརྩི། རྒྱ་ནག་གི་ཚོགས་ཆེན་གཉིས། ཡུག་ཀེ་རན་གྱི་དམག་འཁྲུག འཛམ་གླིང་དཀྱིལ་ཤར་ས་ཁུལ་གྱི་དྲག་ཟིང་། ཧྥ་རན་སིའི་ནང་གི་རྔམ་སྟོན་ཁྲོམ་སྐོར་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་རྒྱའི་གནད་དོན་དབྱེ་ཞིབ་པ་ཀུན་དགའ་བཀྲ་ཤིས་ལགས་དང་། ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་རྩོམ་སྒྲིག་འགན་འཛིན་ཚེ་བརྟན་དབང་ཕྱུག་ལགས་རྣམ་གཉིས་དང་ལྷན་བརྗོད་བྱ་གཉིས་ཏེ། ཨ་རིའི་གྲོས་ཚོགས་སུ་རྒྱ་ནག་ཐད་ཉན་ཞིབ་དང་གྲོས་ཆོད་རིམ་པར་བཞག་པའི་སྐོར་དང་། ད་ལོའི་རྒྱ་ནག་གི་ལོ་འཁོར་ཚོགས་ཆེན་གཉིས་ཀྱི་དམིགས་བསལ་ལས་དོན་དང་དོ་སྣང་བྱ་ཡུལ་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།