རྒྱ་མི་ཉ་པ་ཚོས་བོད་པའི་ཆོས་ལུགས་དད་མོས་ལ་རྡོག་བརྫིས།

༄༅།། དེང་སྐབས་རྒྱ་ནག་གཞུང་གིས་དབྱེ་བགོ་བྱེད་ཡོད་པའི་མཚོ་སྔོན་ཞིང་ཆེན་གྱི་ཁོངས་སུ་ཆགས་པའི་མཚོ་ཁྲི་ཤོར་རྒྱལ་མོའམ། ཡོངས་གྲགས་སུ་མཚོ་སྔོན་པོ་ཞེས་པ་དེའི་ནང་དུ་ལོ་ལྟར་རྒྱ་མི་ཉ་པ་ཡོང་རྒྱུ་ཇེ་མང་དུ་འགྲོ་བཞིན་ཡོད་ཀྱང་ས་གནས་དེའི་ཉེན་རྟོག་པ་ཚོས་བཀག་འགོག་ཡག་པོ་ཞིག་མི་བྱེད་པར་བོད་པ་ཚོའི་ཆོས་ལུགས་དད་མོས་དང་སྲོལ་རྒྱུན་གྱི་ཡུལ་སྲོལ་ཁག་ལ་བརྩི་མེད་རྡོག་བརྫིས་གཏོང་གི་ཡོད་པའི་གནས་ཚུལ་ཐོན་འདུག དེ་ཡང་བོད་ནང་གི་འབྲེལ་ཡོད་མི་སྣ་ཞིག་གིས་འདི་གའི་གསར་འགོད་པར་གནས་ཚུལ་མཁོ་སྤྲོད་བྱས་པ་ལྟར་ན། རྒྱ་ནག་གཞུང་གིས་མཚོ་སྔོན་པོ་ནི་ཡུལ་སྐོར་ལྗོངས་རྒྱུའི་སྲུང་སྐྱོབ་ས་ཁུལ་གྲས་སུ་བརྩིས་ནས་རྒྱལ་ཁབ་ཀྱི་མཚོ་སྲུང་ཉེན་རྟོག་པ་བཀོད་སྒྲིག་བྱས་ཡོད་པ་རེད། འོན་ཀྱང་ལོ་རེ་བཞིན་དུ་རྒྱ་མི་ཉ་པ་ཇེ་མང་དུ་སོང་སྟེ་དབྱར་དགུན་གཉིས་ཀར་རྒྱ་མི་ཚོས་མངོན་ལྐོག་གཉིས་སུ་གསེར་ཉ་འཛིན་རྒྱུ་མཚམས་འཇོག་བྱེད་ཀྱི་མེད་པ་རེད།།

ད་ལྟ་དགུན་ཁའི་དུས་སུ་གནམ་གཤིས་གྲངས་ངར་ཧ་ཅང་ཆེ་བའི་སྐབས་ཡིན་རུང་ཉ་པ་ཚོས་འཁྱག་པའི་འོག་ཏུ་ཉ་རྒྱ་མང་པོ་བཀྲམ་ནས་ཉ་འཛིན་གྱི་་ཡོད་ཅིང་། ང་ཚོ་མཚོ་མཐའི་མང་ཚོགས་ཀྱིས་བླ་མཚོ་འདི་སྲུང་སྐྱོབ་ཆེད་དུ་དང་བླངས་ཀྱིས་ཉ་པ་རྣམས་བཀག་འགོག་དང་ཉིན་མཚན་གཉིས་སུ་སྲུང་སྐྱོབ་བྱེད་གི་ཡོད། ང་ཚོས་གྲང་ངད་ཁྲོད་དུ་མཚོ་ནང་ནས་ཉ་རྒྱ་ཕྱི་རུ་བཏོན་ཏེ་དཀའ་ལས་ཧ་ཅང་ཆེན་པོ་མྱང་གི་འདུག ཉ་སྲུང་ཉེན་རྟོག་པ་ཚོས་རྒྱ་མི་ཉ་པ་རྣམས་བཀག་འགོག་ཡག་པོ་ཞིག་མི་བྱེད་པའི་སྟེང་དུ་མང་ཚོགས་དང་བླངས་པ་ཚོ་བཀག་འགོག་བྱས་ནས་གསེར་ཉ་སྲུང་སྐྱོབ་བྱེད་དུ་འཇུག་གི་མི་འདུག དེར་བརྟེན་མང་ཚོགས་དང་ཉེན་རྟོག་པ་ཚོ་རྩོད་པ་མང་པོ་འབྱུང་གི་འདུག་ཅེས་བཤད་འདུག

གསར་འགྱུར་མཁོ་སྤྲོད་པས་མུ་མཐུད་དུ་བརྗོད་དོན་ལྟར་ན། ས་གནས་དེའི་བོད་པ་ཚོས་མཚོ་ཁྲི་ཤོར་རྒྱལ་མོར་བླ་མཚོ་དང་མཚོ་སྙིང་མ་ཧ་དེ་ལྦ་ཞེས་འབད་སྲོལ་ཡོད། ལོ་ལྟར་བོད་པ་དད་ལྡན་མང་ཚོགས་གནས་སྐོར་དང་ཕྱག་མཆོད་བྱེད་མཁན་ཧ་ཅང་མང་པོ་ཞིག་ཡོང་གི་འདུག ད་ལྟ་རྒྱ་མི་ཉ་པ་ཚོས་གསེར་ཉ་ཁྲི་ཚོ་མང་པོ་བཟུང་ནས་ཁྲག་གི་འཁོར་ལོ་བསྐོར་ན་གནས་མཆོག་ཁྱད་པར་ཅན་འདི་ཇི་ལྟ་བུ་ཞིག་ཏུ་འགྱུར་རྒྱུ་རེད། དེ་ལ་རྒྱ་གཞུང་ཉེན་རྟོག་མི་སྣ་ཚོས་ཁ་ཡ་མི་བྱེད་པ་ནི་ང་ཚོ་བོད་པ་མང་ཚོགས་ཀྱི་ཆོས་ལུགས་དད་མོས་ལ་རྡོག་རོལ་དང་བརྩི་བཀུར་མ་བྱས་པ། ཕྱག་སྐོར་དང་གནས་མཇལ་གྱི་དད་པར་དོ་ཕོག་བཏང་བ་ཞིག་མིན་ནམ། ང་ཚོ་མང་ཚོགས་དང་བླངས་པ་ཚོས་གསེར་ཉ་སྲུང་སྐྱོབ་བྱས་ནས་ལོ་སར་གྱི་ཚེས་བ་བཅོ་ལྔ་བར་དུ་ཉིན་མཚན་གཉིས་ལ་མཚོ་མཐའི་ས་གནས་སོ་སོར་གསེར་ཉ་སྲུང་སྐྱོབ་བྱ་རྒྱུའི་མ་གྲོས་བསམ་པ་གཅིག་མཐུན་གྱིས་ཐག་གཅོད་བྱས་ཡོད། ཉིན་འདི་གར་སྲུང་སྐྱོབ་བྱེད་བཞིན་པའི་སྒང་ཡིན་ཞེས་བཤད་ཡོད་པ་སོགས་ཀྱི་སྐོར། བལ་ཡུལ་ནས་འདི་གའི་གསར་འགོད་པ་ཀུན་བཟང་བསྟན་འཛིན་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།

Embed share

རྒྱ་མི་ཉ་པ་ཚོས་བོད་པའི་ཆོས་ལུགས་དད་མོས་ལ་རྡོག་བརྫིས།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:01 0:00

ཐད་ཀར་ཕབ་ལེན་གྱི་དྲ་འབྲེལ།

• 32 kbps | MP3

གསན་གཟིགས་གནང་ས།