འབར་མའི་སྲིད་གཞུང་མགོ་རྟིང་སློག་པར་རྒྱ་ནག་གིས་བསམ་ཞིབ།

Embed share

འབར་མའི་སྲིད་གཞུང་མགོ་རྟིང་སློག་པར་རྒྱ་ནག་གིས་བསམ་ཞིབ།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:07 0:00

ཐད་ཀར་ཕབ་ལེན་གྱི་དྲ་འབྲེལ།

• 32 kbps | MP3

གསན་གཟིགས་གནང་ས།

༄༅།། ཉེ་དུས་འབར་མའི་དཔུང་དམག་གིས་མི་དམངས་ཚོས་དམངས་གཙོའི་ལམ་ནས་འོས་འདེམས་བྱས་པའི་སྲིད་གཞུང་མགོ་རྟིང་སློག་པའི་གནད་དོན་ཐད་རྒྱ་ནག་དང་ཧོང་ཀོང་གི་གསར་འགྱུར་བརྒྱུད་ལམ་ཁག་ཏུ་དཔྱད་ཞིབ་པ་ཚོས་འགྲེལ་བརྗོད་བྱས་པའི་གནས་ཚུལ་ཁག་ལ་གཞིགས་ཚེ། རྒྱ་ནག་གཞུང་ནི་འབར་མའི་དྲག་པོའོ་དཔོན་རིགས་ཁག་དང་ཨང་སན་སུ་ཆིས་སྣེ་ཁྲིད་པའི་རྒྱལ་ཡོངས་དམངས་གཙོ་མནའ་འབྲེལ་ཚོགས་པ་གཉིས་ཀར་འབྲེལ་བ་བཟང་པོ་ཡོད་ཅིང་། དེས་ན་འབར་མའི་དམག་གི་དཔོན་རིགས་ཚོས་ཡུལ་དེའི་སྲིད་གཞུང་མགོ་རྟིང་སློག་པར་རྒྱ་ནག་གཞུང་གིས་ལངས་ཕྱོགས་གང་འདྲ་ཞིག་འཛིན་དགོས་མིན་རྣམ་འགྱུར་གསལ་པོ་ཞིག་སྟོན་མ་ཐུབ་པར་དཀའ་ངལ་འཕྲད་བཞིན་པའི་གནས་ཚུལ་ཞིག་ཐོན། རྒྱ་ནག་གིས་འབར་མའི་ནང་དུ་མ་རྩ་ཕོན་ཆེ་བཙུགས་ནས་ལས་གཞི་ཁག་གཉེར་གྱི་ཡོད་པར་མ་ཟད། འབར་མ་དང་རྒྱ་ནག་གི་ས་མཚམས་ཁུལ་དུ་བདེ་འཇགས་དང་ཞི་བེད་མེད་པར་འགྱུར་རྒྱུ་མིན་པའི་ཚོད་དཔག་བྱེད་ཀྱི་ཡོད་པ་རེད།།

ཉམས་ཞིབ་པ་ཁག་ཅིག་གིས་གཟའ་འཁོར་འདིར་འབར་མའི་དྲག་པོའི་ དཔོན་རིགས་ཚོས་སྲིད་དབང་བཙན་འཕྲོག་བྱས་ནས་དཀའ་རྙོག་བསླངས་པ་ནི་ཨ་མི་རི་ཀ་དང་ནུབ་ཕྱོགས་རྒྱལ་ཁབ་ཁག་གིས་རྒྱ་ནག་ལ་གནོན་ཤུགས་སྤྲོད་ཐབས་ཤིག་ཡིན་སྲིད་པའི་ཚོད་དཔག་བྱེད་ཀྱི་ཡོད་འདུག ཉེ་ལམ་ཕྱི་ཟླ་༢་ཚེས་༡་ཉིན་འབར་མའི་དྲག་པོའི་དཔོན་རིགས་ཚོས་ཡུལ་དེའི་སྲིད་དབང་བཙན་འཕྲོག་བྱས་པ་དང་ཆབས་ཅིག འབར་མ་རྒྱལ་ཡོངས་སུ་ལོ་གཅིག་ལ་ཛ་དྲག་གི་ཁྲིམས་གཞི་བསྡམ་རྒྱུ་ཡིན། འབར་མའི་ཆེས་མཐོའི་འགོ་ཁྲིད་ཨང་སན་སུ་ཆི་དང་སྲིད་འཛིན་ཝིན་མཱི་དབྱིན་ཊེ་ཚུད་པའི་གནད་ཡོད་འགོ་ཁྲིད་ཁག་ཅིག་དོ་དམ་བྱས་པ་ཡིན་ཞེས་ཁྱབ་བསྒྲགས་བྱས་འདུག

ནུབ་ཕྱོགས་རྒྱལ་ཁབ་ཁག་གིས་རྒྱ་ནག་ལ་གནོན་ཤུགས་སྤྲོད་སྲིད་པའི་ཚོད་དཔག་བྱེད་ཀྱི་ཡོད་ཀྱང་རྒྱ་ནག་གི་གཞུང་གཉེར་གསར་ཤོག་དབྱིན་ཡིག་གི་གོ་ལའི་དུས་བབ་ཚགས་པར་ལ་ཕྱི་ཚེས་༡་ཉིན་དཔྱད་བརྗོད་ཅིག་སྤེལ་ནས་འབར་མར་ཆབ་སྲིད་ཀྱི་དཀའ་རྙོག་འཕྲད་བཞིན་པ་སེལ་ཐབས་སུ་ཨ་མི་རི་ཀས་རྒྱ་ནག་ལ་གནོན་ཤུགས་སྤྲོད་སྲིད་ཅེས་བཀོད། ཨ་མི་རི་ཀའི་སྲིད་འཛིན་ཇཱོ་བྷ་ཌན་གྱི་སྲིད་གཞུང་གསར་པས་འབར་མའི་ཆབ་སྲིད་བརྟན་ལྷིང་མེད་པའི་གོ་སྐབས་བཟུང་ནས་འབར་མ་རྒྱལ་ཁབ་ལ་འབྲེལ་བ་སླར་གསོ་བྱེད་པར་རྒྱལ་ཁབ་དེའི་དཀའ་རྙོག་བེད་སྤྱོད་བྱས་ནས་རྒྱ་ནག་ལ་གནོན་ཤུགས་སྤྲོད་སྲིད་ཅེས་གླེང་སློང་བྱས་འདུག དེ་བཞིན་རྒྱ་ནག་གི་ཧྥུ་ཅན་ཞིང་ཆེན་དུ་ཡོད་པའི་ལྷོ་ཤར་ཨེ་ཤི་ཡའི་སློབ་སྦྱོང་བྱ་ཡུལ་ཤཱ་མེན་གཙུག་ལག་སློབ་གཉེར་ཁང་གི་འགན་འཛིན་ཧྥན་ཧོང་ཝཱེས་ཧོང་ཀོང་གི་གསར་ཤོག་ཅིག་གི་གསར་འགོད་པར་བརྗོད་པ་ལྟར་ན། ད་ལྟའི་ཆར་རྒྱ་ནག་གཞུང་གིས་འབར་མའི་གནས་སྟངས་དེ་གང་འདྲ་ཞིག་ལ་འགྱུར་རྒྱུ་ཡིན་མིན་ངང་སྒྲུག་བྱས་ནས་བསྡད་འདུག་ཅེས་བརྗོད།།

ཧོང་ཀོང་ལ་རྟེན་གཞི་བྱས་པའི་ལྷོ་རྒྱ་ནག་སྔ་དྲོའི་ཕོ་ཉ་ཞེས་པའི་ གསར་ཤོག་ལ་ཕྱི་ཚེས་༡་ཉིན་རྒྱ་ནག་གི་གནད་དོན་ཉམས་ཞིབ་པ་ཚོས་ཚོད་དཔག་བྱས་པའི་གནས་ཚུལ་ཁག་ལུང་འདྲེན་བྱས་པར་གཞིགས་ན། ད་ལྟའི་འབར་མའི་ཆབ་སྲིད་ཀྱི་དཀའ་རྙོག་ནི་གནས་སྐབས་ཀྱི་དཀའ་ངལ་ཞིག་ཡིན་པ་ལས་རྒྱ་ནག་དང་རྒྱ་ནག་གི་ཡུལ་མི་ཚོར་དམིགས་བསལ་གྱི་ཤུགས་རྐྱེན་གང་ཡང་ཐེབས་བཟོ་མེད་པའི་ངོས་འཛིན་བྱས་ཤིང་། དེ་དང་ཕྱོགས་མཚུངས་སུ་མིང་འདོན་བྱེད་འདོད་མེད་པའི་རྒྱ་ནག་གི་དྲག་པོའི་མི་སྣ་ཞིག་གིས་ལྷོ་རྒྱ་ནག་སྔ་དྲོའི་ཕོ་ཉ་ཞེས་པའི་གསར་ཤོག་གི་གསར་འགོད་པར་རྒྱ་ནག་ནི་འབར་མའི་དྲག་པོའི་དཔོན་རིགས་ཁག་དང་ཨང་སན་སུ་ཆི་གཉིས་ཀར་འབྲེལ་ལམ་བཟང་པོ་ཡོད། འབར་མའི་དྲག་པོའི་དཔོན་རིགས་ཚོས་ཡུལ་དེའི་སྲིད་གཞུང་མགོ་རྟིང་སློག་པར་རྒྱ་ནག་གཞུང་གིས་རྒྱབ་སྐྱོར་དང་སྐྱོན་བརྗོད་གཉིས་ཀ་བྱེད་མི་བདེ་བ་ཞིག་ཏུ་གྱུར་སོང་ཞེས་འགྲེལ་བརྗོད་བྱས་འདུག