༄༅།། ཞིབ་འཇུག་སྙན་ཐོ་གསར་པ་ཞིག་ཐོན་ཡོད་པ་དེར་འཁོད་པ་ལྟར་ན། སྔ་ལོ་རྒྱ་ནག་གིས་རྫ་ཆུའི་སྟོད་ཕྱོགས་སུ་ཆུ་མཛོད་བརྒྱབ་ཡོད་པ་དེ་དག་གི་ཆུ་བཀག་སྟེ་རྫ་ཆུའི་སྨད་ཕྱོགས་སུ་ཆགས་པའི་ཐེ་ལན་ཌི་དང་ཝྭི་ཏ་ནམ། ཁེམ་བྷོ་ཌི་ཡ་དང་ལའོ་སི། འབར་མ་བཅས་ལྷོ་ཤར་ཨེ་ཤི་ཡའི་རྒྱལ་ཁབ་ཁག་ལ་ཐན་པ་བྱུང་བ་དང་ཆུའི་དཀའ་ངལ་ཆེན་པོ་ཕྲད་ཡོད་པའི་སྐོར། འདི་ག་རླུང་འཕྲིན་ཁང་གི་རྒྱ་སྐད་སྡེ་ཚན་གྱི་གསར་འགོད་པས་སྤེལ་བའི་གནས་ཚུལ་དེ་བདེ་ཆེན་རྒྱ་མཚོས་ཕབ་སྒྱུར་དང་སྙན་སྒྲོན་ཞུ་ཡི་རེད།།