རྒྱ་ནག་དམར་ཤོག་གཞུང་གི་མི་རབས་བཞི་བའི་མགོ་ཁྲིད་ཧུའུ་ཅིན་ཐའོ་དང་སྲིད་བློན་ཝུན་ཅ་པའོ་སོགས་འཕོ་འགྱུར་སོང་སྟེ། ཞི་ཅིན་ཕིང་གིས་འགོ་ཁྲིད་པའི་རྒྱ་ནག་དམར་ཤོག་གི་མི་རབས་ལྔ་བའི་འགོ་ཁྲིད་ཚོར་སྲིད་དབང་རྩིས་སྤྲོད་བྱེད་ལ་ཉེ་བའི་སྐབས་འདིར་ཨ་མི་རི་ཀའི་ཎིའུ་ཡོཀ་དུས་བབ་ཚགས་པར་གྱིས་ཝུན་ཅ་པའོ་ཁྱིམ་ཚང་གིས་ཨ་སྒོར་ས་ཡ་མང་པོ་ལྐོག་ཟ་བྱས་པའི་གནས་ཚུལ་སྤེལ་རུང་། རྒྱ་ནག་གཞུང་ཕྱོགས་ནས་ཎོའུ་ཡོཀ་དུས་བབ་ཚགས་པར་ལ་ཐོན་པའི་གནས་ཚུལ་དེར་ངོས་ལེན་བྱས་མེད་པ་དང་། ཝུན་ཅ་པའོ་ཡི་ཁྱིམ་ཚང་གི་ཁྲིམས་རྩོད་པས་ཀྱང་གནས་ཚུལ་དེར་ངོས་ལེན་མེད་ཅེས་དགག་པ་བརྒྱབ་ཡོད་པའི་སྐོར། རྒྱལ་སྤྱིའི་གསར་འཕྲིན་ཁག་ལ་ཐོན་པའི་གནས་ཚུལ་རྣམས་ཚེ་རིང་སྐྱིད་ཀྱིས་སྙན་སྒྲོན་ཞུས་པ་དེར་གསན་རོགས་གནང་།
