རྒྱ་ནག་གཞུང་གིས་ཝུ་ཧན་ནས་ཁྱབ་པའི་གློ་ཚད་རིམས་ནད་ལ་བརྟག་དཔྱད་བྱེད་སྟངས་གསར་པ་ཞིག་ལག་ལེན་བསྟར་པའི་རྗེས་སུ་གཟའ་ལྷག་པའི་མཚན་ཕྱེད་བར་དུ་ཧུ་པེ་ཞིང་ཆེན་དུ་ནད་ཡམས་དེའི་འོག་ཏུ་འཆི་སྐྱོན་བྱུང་བའི་མིའི་གྲངས་འབོར་༢༥༤་གསར་དུ་ཕར་སོང་། ད་ཆ་ཁྱོན་བསྡོམས་མི་༡༣༦༧་འཆི་སྐྱོན་བྱུང་བ་དང་ན་ཚ་དངོས་སུ་ཕོག་ཡོད་པའི་མིའི་གྲངས་འབོར་ཡང་ཧ་ཅང་གི་མང་དུ་ཕྱིན་ཏེ་༡༥༡༥༢་ཟིན་ཡོད། ད་སྔ་ཕན་ཆད་ལ་ནད་དུག་ཕོག་པའི་མིའི་གྲངས་འབོར་༥༩༨༠༤་ཟིན་སོང་ཞེས་གསལ་བསྒྲགས་ཤིག་སྤེལ་ཡོད་པ་སོགས་ཀྱི་གནས་ཚུལ་ཐོན་པ་ཁག་པ་སངས་དབྱངས་སྐྱིད་ཀྱིས་སྙན་སྒྲོན་ཞུ་ཡི་རེད།
