༄༅།། རྒྱ་ནག་གི་འགོ་ཁྲིད་འདས་པོ་མའོ་ཙེ་ཏུང་གི་དམིགས་ཡུལ་དེ་ཉིད་ད་ལྟའི་རྒྱ་ནག་གི་སྲིད་འཛིན་ཞིས་ཅིན་ཕིང་གིས་སླར་གསོ་བྱས་ཏེ། རྒྱ་ནག་གི་དབང་སྒྱུར་འོག་ཏུ་ཚུད་པའི་བོད་ཀྱི་ས་མཚམས་ནས་བལ་ཡུལ་ལ་མེ་འཁོར་ལྕགས་ལམ་འཛུགས་སྐྲུན་བྱ་རྒྱུའི་ལས་གཞི་གཉེར་འཆར་ཡོད་ཅིང་། ལས་གཞི་དེས་བལ་ཡུལ་ཨ་སྒོར་དུང་ཕྱུར་མང་པོའི་བུ་ལོན་ནང་དུ་ཚུད་རྒྱུ་ཡིན་པར་མ་ཟད། རྒྱ་གར་ལའང་ཉེན་ཚབས་ཡོད་པའི་གནད་དོན་ཞིག་ཏུ་འགྱུར་རྒྱུ་རེད་ཅེས་དབྱེ་ཞིབ་པ་ཚོས་ངོས་འཛིན་བྱེད་ཀྱི་ཡོད་པ་བཅས་ཀྱི་སྐོར། རྒྱལ་སྤྱིའི་གསར་འགྱུར་བརྒྱུད་ལམ་ཁག་ལ་ཐོན་པའི་གནས་ཚུལ་རྣམས་ཀུན་བཟང་སྒྲོལ་མས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།
