ལྷ་སའི་བར་སྐོར་ལ་དུས་བཀག་ལྟར་སྐོར་བར་འགྲོ་དགོས་པ།

Embed share

ལྷ་སའི་བར་སྐོར་ལ་དུས་བཀག་ལྟར་སྐོར་བར་འགྲོ་དགོས་པ།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:24 0:00

ཐད་ཀར་ཕབ་ལེན་གྱི་དྲ་འབྲེལ།

• 32 kbps | MP3

གསན་གཟིགས་གནང་ས།

༄༅།། ཟླ་བ་འདིའི་ཕྱི་ཚེས་༢༦་ཉིན་ལྷ་སའི་བར་སྐོར་སྤྱི་བདེ་ལས་ཁུངས་ཀྱིས་བརྡ་ཁྱབ་ཤིག་སྤེལ་ཡོད་པ་དེར་འཁོད་པ་ལྟར་ན། ཕྱི་ཚེས་༢༨་ནས་བཟུང་སྟེ་ལྷ་སའི་བར་སྐོར་ལ་སྐོར་བར་གཏོང་རྒྱུ་རེད་འདུག་ཅེས་བོད་ནང་གི་འབྲེལ་ཡོད་མི་སྣ་ཞིག་ལ་ཐད་ཀར་གནས་ཚུལ་མཁོ་སྤྲོད་བྱས་བྱུང་། ཁོང་གིས་ཕྱི་ཚེས་༢༨་ཉིན་ནས་བཟུང་སྟེ་ཉིན་ལྟར་ཞོགས་པའི་ཆུ་ཚོད་༨་པ་ནས་དགོང་མོའི་ཆུ་ཚོད་༨་པའི་བར་དུ་བར་སྐོར་ལ་སྐོར་བར་འགྲོ་ཆོག་གི་འདུག ཡིན་ནའང་མི་ཚོས་ངེས་པར་དུ་ཁ་རས་རྒྱག་དགོས་པ་དང་འཚང་ཁ་བརྒྱབ་ནས་འགྲོ་མི་ཉན་པ། ཕན་ཚུན་ལག་འཇུ་བྱེད་པའམ། ས་ལ་མཆིལ་མ་སོགས་གཏོར་མི་ཆོག་པའི་གཟབ་ནན་བྱ་་དགོས་ཀྱིན་འདུག

ད་ལྟ་གནས་སྐབས་ཤིག་གི་རིང་ལ་ལྷ་སའི་བར་སྐོར་མ་གཏོགས་གཙུག་ལག་ཁང་དང་ར་མོ་ཆེ། པོ་ཏ་ལ་བཅས་སུ་མཆོད་མཇལ་ལ་གཏོང་གི་མེད་པར་བཀག་སྡོམ་བྱས་འདུག སྔོན་ཆད་མཚན་གྱི་ཆུ་ཚོད་གསུམ་པ་ཡོལ་ཙམ་ནས་སྐོར་བར་འགྲོ་མཁན་མང་ཡོད་མོད། ཡིན་ནའང་སྐབས་འདིར་སྐོར་བར་འགྲོ་མཁན་མང་པོ་མེད་པ་དང་སྐོར་བར་འགྲོ་ཆོག་པའི་ཆུ་ཚོད་ཀྱང་ཚད་བཀག་བྱས་འདུག འོན་ཀྱང་རྒྱ་ནག་ནས་རྒྱ་མི་ཡུལ་སྐོར་བ་དང་ལས་ཀ་བ་མང་པོ་ཞིག་ཡོང་དང་ཡོང་བཞིན་ཡོད་པ་རེད། དཔེར་ན་ཁང་པ་རྒྱག་མཁན་དང་ཁང་བའི་ནང་ལ་མཛེས་བཟོ་བྱེད་མཁན་རྒྱ་མི་མང་པོ་ཡོང་བཞིན་པའི་གྲས་སུ་ཏོག་དབྱིབས་ནད་དུག་གི་བྱུང་ཡུལ་ཝུ་ཧན་ནས་ཡིན་པའི་ལས་མི་རྣམས་ཀྱང་ཡོད་པས་ལྷ་ས་གྲོང་ཁྱེར་གྱི་གཏན་སྡོད་མི་མང་གིས་རྒྱ་མི་དེ་དག་ལ་ནད་དུག་ཡོད་སྲིད་པའི་དོགས་པ་བྱེད་ཀྱིན་འདུག་ཅེས་འགྲེལ་བརྗོད་བྱས་བྱུང་།།

ཁ་སང་ཕྱི་ཚེས་༢༧་ཉིན་ལྷ་ས་གྲོང་ཁྱེར་སྤྱི་བདེ་ལས་ཁུངས་ཀྱིས་སྤེལ་བའི་གསལ་བསྒྲགས་དེར་ལྷ་སའི་བར་སྐོར་ནང་གི་ཞིབ་ཕྲའི་སྒོ་དབྱེའི་དུས་ཚོད་ནི་གྲོང་ཨུད་དང་གྲོང་ཁྱེར་སྲིད་གཞུང་གིས་སྤྱི་འདོམས་བྱས་ནས་དངོས་སུ་སྒོ་དབྱེའི་བརྡ་ཐོ་འབྱོར་རྗེས་ལྷ་ས་གྲོང་ཁྱེར་སྤྱི་བདེ་ལས་ཁུངས་ཀྱིས་འཕྲལ་དུ་ཚང་མར་བརྡ་ཐོ་གཏོང་རྒྱུ་ཡིན་ཞེས་བཀོད་འདུག