རྒྱ་གཞུང་གིས་བོད་ཆབ་མདོ་བཅིངས་འགྲོལ་ཟེར་བའི་དུས་དྲན་སྲུང་བརྩི།

Embed share

རྒྱ་གཞུང་གིས་བོད་ཆབ་མདོ་བཅིངས་འགྲོལ་ཟེར་བའི་དུས་དྲན་སྲུང་བརྩི།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:58 0:00

ཐད་ཀར་ཕབ་ལེན་གྱི་དྲ་འབྲེལ།

• 32 kbps | MP3

གསན་གཟིགས་གནང་ས།

༄༅།། རྒྱ་གཞུང་གི་གསར་ལམ་ཁག་དང་སྤྱི་ཚོགས་དྲྭ་ཚིགས་བཅས་སུ་རྒྱ་ནག་གཞུང་གིས་ཆབ་མདོ་བཅིངས་འགྲོལ་བཏང་སྟེ་ལོ་༧༠་འཁོར་བའི་རྟེན་འབྲེལ་ལ་དགའ་སྟོན་བྱེད་བཞིན་ཡོད་ཅིང་། ཕྱི་ཚེས་༩་ཉིན་ཕ་ཡུལ་ཆབ་མདོ་ཕྱོགས་ནས་ཡིན་པའི་བོད་པ་ཞིག་གིས་འདི་ག་རླུང་འཕྲིན་ཁང་གི་གསར་འགོད་པར་བརྗོད་དོན་ལྟར་ན། རྒྱ་ནག་གཞུང་གིས་སྐད་ཆ་སྙན་པོ་ཞིག་བཤད་ནས་ཆབ་མདོ་བཅིངས་འགྲོལ་བཏང་སྟེ་ལོ་༧༠་འཁོར་བ་རེད་ཟེར་ཀྱང་དོན་དངོས་སུ་ཆབ་མདོ་རྒྱ་ནག་གི་བཙན་དབང་འོག་ཏུ་ཚུད་ནས་ལོ་༧༠་འཁོར་བ་རེད། དེ་རིང་གི་དགའ་སྟོན་གྱི་བྱེད་སྒོ་གཙོ་བོ་ཀྱང་རྒྱ་ནག་གཞུང་གི་བཀོད་སྒྲིག་ལྟར་མེས་རྒྱལ་ལ་དགའ་ཞེན། ཏང་དང་རྒྱལ་ཁབ་ཀྱི་བཀའ་དྲིན་ལ་བསམ་ཤེས་བྱས་ནས་ཆབ་མདོའི་རྒྱ་ཆེ་མང་ཚོགས་ཀྱི་འཚོ་བ་ལོ་རེ་བཞིན་ཡར་རྒྱས་འགྲོ་བཞིན་ཡོད་ལུགས་དང་མ་འོངས་པར་འཚོ་བ་སྔར་ལས་ལྷག་པའི་ཡར་རྒྱས་འགྲོ་རྒྱུ་ཡིན་པས་བོད་པ་ཚོ་མདུན་སྐྱོད་བྱ་དགོས་ཟེར་གྱི་འདུག་ཅེས་བཤད།།

གསར་འགྱུར་མཁོ་སྤྲོད་པས་མུ་མཐུད་རྒྱ་གཞུང་གི་ལས་སྣེ་ཚོས་རྒྱ་ནག་སྟོབས་འབྱོར་མངའ་ཐང་ཅི་ཙམ་རྒྱས་ན་ཆབ་མདོ་ཡང་ཡར་རྒྱས་སོང་སྟེ་གྲོང་ཁྱེར་གྱི་རྣམ་པར་བསྒྱུར་ནས་འཛུགས་སྐྲུན་རྒྱ་བསྐྱེད་གཏོང་ཐུབ་ཅེས ཁྱབ་བསྒྲགས་བྱེད་ཀྱི་འདུག མང་ཚོགས་ཀྱི་སེམས་སུ་ཁོང་ཁྲོའི་མེ་འབར་ཀྱང་ཁ་ནས་དུ་བ་འཐོན་མི་ཐུབ་ཟེར་བའི་དཔེ་ལྟར་འདས་བའི་མི་ལོ་༧༠་རིང་ལ་བོད་པ་ཚོས་རྒྱ་ནག་གི་བཙན་དབང་འོག་ཏུ་གདུག་རྩུབ་ཚབས་ཆེན་མྱངས་པ་དང་༢༠༢༠་ནི་མྱ་ངན་གྱི་ལོ་ཞིག་ལ་བརྩི་དགོས་པ་རེད་བསམ་གྱི་འདུག་ཅེས་བཤད།།

རྒྱ་གཞུང་གི་གསར་ལམ་ཁག་ཏུ་ཐོན་པའི་གནས་ཚུལ་ལྟར་ན། ལོ་འདིར་ཆབ་མདོ་བཅིངས་འགྲོལ་བཏང་ནས་ལོ་༧༠་འཁོར་བ་རེད། འདི་ནི་རྒྱ་ཆེ་མང་ཚོགས་ལ་མཚོན་ན་ཆབ་སྲིད་ཀྱི་གནས་ཚུལ་ཆེན་པོ་ཞིག་དང་བཀྲ་ཤིས་པའི་ལོ་ཞིག་རེད། འདས་པའི་ལོ་༧༠་ཐམ་པར་ཕྱི་མིག་བལྟས་ན་རྨང་གཞིའི་འཛུགས་སྐྲུན་སོགས་ལ་འགྱུར་ལྡོག་ཆེན་པོ་བྱུང་ཡོད། ད་ལྟའི་རྒྱ་ནག་གི་འགོ་ཁྲིད་ཚོའི་ལམ་སྟོན་འོག་ཏུ་རྒྱ་ནག་གི་ཁྱད་ཆོས་ལྡན་པའི་ཕུགས་བསམ་གསར་པ་མངོན་དུ་འགྱུར་ཐུབ་ཅེས་བསྒྲགས། བོད་པ་བཙན་བྱོལ་བ་ཚོས་རྒྱ་ནག་གཞུང་གིས་ཆབ་མདོ་ཞི་བའི་བཅིངས་འགྲོལ་བཏང་ནས་མི་ལོ་༧༠་འཁོར་བའི་འུར་སྒྲོགས་བྱེད་ཀྱི་ཡོད་པ་ནི་རྒྱ་གཞུང་གིས་བོད་ཁམས་ཡོངས་སུ་དྲག་གནོན་དང་མནར་གཅོད་བཏང་ནས་མི་ལོ་༧༠་འཁོར་བའི་དུས་དྲན་ཞེས་འགྲེལ་ན་འོས་འཚམས་ཆེ་ཞེས་གསར་ལམ་ཁག་ཏུ་གནས་ཚུལ་སྤེལ་འདུག