རྒྱ་ནག་དམར་པོའི་སྲིད་གཞུང་བཙུགས་ཏེ་ལོ་༦༣འཁོར་བའི་དྲན་གསོའི་རྟེན་འབྲེལ་དེ་རྒྱ་ནག་གི་རྒྱལ་ས་པེ་ཅིན་དང་ཧོན་ཀོང་ལ་སོགས་པའི་ས་ཁུལ་ཁག་ཅིག་ཏུ་སྲུང་བཙི་བྱས་ཡོད་པ་དང་། དྲན་གསོའི་བྱེད་སྒོ་འདི་དང་མཉམ་དུ་རྒྱ་ནག་གིས་གདོང་ལེན་བྱ་དགོས་པའི་གནད་དོན་མང་པོ་ཞིག་ཡོད་པ་ཡང་ཆབ་སྲིད་དབྱེ་ཞིབ་པ་ཚོས་གླེང་སློང་བྱེད་ཀྱི་ཡོད་ཅིང་གནད་དོན་དེ་ཚོ་ལས་གལ་ཧ་ཅང་ཆེ་བ་ནི་ཟླ་བ་རྗེས་མའི་ནང་དུ་རྒྱ་ནག་དམར་པོའི་འགོ་ཁྲིད་བརྗེ་བགྱུར་གྱི་དུས་ཚོད་ཡིན་པ་བཅས་ཀྱི་སྐོར་ཚེ་རིང་སྐྱིད་ཀྱིས་སྙན་སྒྲོན་ཞུ་གནང་གི་རེད།
