༄༅།། ཨ་མི་རི་ཀའི་སྲིད་འཛིན་ཇཱོ་བྷ་ཌན་གྱིས་རེས་གཟའ་མིག་དམར་ ཉིན་ཁེ་ན་ཌའི་སྲིད་བློན་ཊུ་རུ་ཊོར་དྲྭ་ལམ་དུ་ཐུག་འཕྲད་གྲོས་མོལ་གནང་ཡོད་ཅིང་། སྲིད་འཛིན་བྷ་ཌན་གྱིས་ཨ་རིའི་བྱང་ཕྱོགས་ཀྱི་ཁྱིམ་མཚེས་རྒྱལ་ཁབ་དེའི་འགོ་ཁྲིད་ལ་དྲྭ་ལམ་དུ་མཇལ་འཕྲད་གྲོས་མོལ་གནང་བ་ནི་ཨ་མི་རི་ཀའི་ཕྱི་འབྲེལ་གྱི་གནད་འགག་འཛིན་ཕྱོགས་གསལ་སྟོན་བྱས་པར་མ་ཟད། ཨ་རི་དང་ཁེ་ན་ཌ་གཉིས་འཛམ་གླིང་གི་སའི་གོ་ལའི་གནམ་གཤིས་འགྱུར་ལྡོག་དང་ཏོག་དབྱིབས་ནད་དུག་སྔོན་འགོག དཔལ་འབྱོར་སླང་གསོ་དང་བདེ་འཇགས་སྲུང་སྐྱོབ་བཅས་ལ་མཉམ་འབྲེལ་དམ་ཟབ་བྱ་རྒྱུའི་མོས་མཐུན་བྱུང་ཡོད་པའི་སྐོར། གསར་ཤོག་ཁག་ལ་ཐོན་པའི་གནས་ཚུལ་རྣམས་ནམ་མཁའ་བསྟན་འཛིན་གྱིས་ཕབ་སྒྱུར་དང་སྙན་སྒྲོན་ཞུ་རྒྱུ་རེད།།
