༄༅། རྩོད་གླེང་ཡོད་སའི་ལྷོ་རྒྱ་ནག་རྒྱ་མཚོའི་མཚོ་གླིང་ཁུལ་དུ་རྒྱ་ནག་གིས་མཚོ་དམག་རྒྱ་བསྐྱེད་ཀྱི་ལས་གཞིར་ཨ་མི་རི་ཀ་དང་དབྱིན་ཇི། དེ་བཞིན་ཨོ་སི་ཊོ་ལི་ཡ་བཅས་རྒྱལ་ཁབ་གསུམ་མཉམ་རུབ་ཀྱི་ཐོག་ནས་རྒྱ་ནག་ལ་ཁ་གཏད་བཅོག་ཐབས་ཀྱི་གྲོས་མཐུན་ཞིག་བཞག་ཡོད་པ་ལྟར་དེའི་ནང་ཨ་མི་རི་ཀས་ཨོ་སི་ཊོ་ལི་ཡ་ལ་རྡུལ་ཕྲན་གྱི་མཚོན་ཆ་འཁྱེར་ཐུབ་པའི་མཚོ་འོག་གྲུ་གཟིངས་ཀྱི་འཕྲུལ་ལས་ལག་རྩལ་མཁོ་སྤྲོད་བྱ་རྒྱུ་ཡིན་སྟབས་རྒྱ་ནག་དང་ཨོ་སི་ཊོ་ལི་ཡའི་དབར་གྱི་དཀའ་རྙོག་ཇེ་ཆེར་ཕྱིན་པ་དང་། ཨིན་ཌོན་ནེ་ཤི་ཡ་སྟབས་མི་བདེ་བའི་གནས་སྟངས་ཆགས་པ་བཅས་ཀྱི་གནས་ཚུལ་ཞིག་ཀུན་བཟང་སྒྲོལ་མ་ལགས་ཀྱིས་སྙན་སྒྲོན་ཞུས་གནང་གི་རེད།
