༄༅།། རེས་གཟའ་ཟླ་བའི་ཉིན་ལྷོ་ཤར་ཨེ་ཤེ་ཡའི་ཡུལ་གྲུ་མཉམ་འབྲེལ་མཐུན་ཚོགས་ཀྱི་ཚོགས་འཐུས་རྒྱལ་ཁབ་ཁག་གིས་ཞི་བའི་གྲོས་གཞི་བཏོན་པ་དེར་འབར་མའི་དམག་གི་དབང་སྒྱུར་བ་ཚོས་ངོས་ལེན་ཡག་པོ་ཞིག་བྱེད་ཀྱི་མེད་པར་ཡི་ཐང་ཆད་ཡོད་པའི་རྣམ་པ་བསྟན་ཡོད་ཅིང་། ལྷོ་ཤར་ཨེ་ཤི་ཡའི་ཡུལ་གྲུ་མཉམ་འབྲེལ་མཐུན་ཚོགས་ཀྱི་རྒྱལ་ཁབ་གཅིག་གི་ཕྱི་སྲིད་བློན་ཆེན་གྱིས་ཟླ་མཇུག་འདིར་འཚོགས་ཀྱི་ཡོད་པའི་མཐུན་ཚོགས་དེའི་ཆེས་མཐོའི་ཚོགས་འདུར་འབར་མའི་དམག་གི་དབང་འཛིན་པ་ཞུགས་འཆར་ཡོད་པར་བློ་ཚབས་ཡོད་ཅེས་བཤད་ཡོད་པའི་སྐོར། ཨ་རིའི་རླུང་འཕྲིན་ཁང་གི་གསར་འགོད་པས་སྤེལ་བའི་གནས་ཚུལ་དེ་བདེ་ཆེན་རྒྱ་མཚོས་སྙན་སྒྲོན་ཞུ་ཡི་རེད།།
