༄༅།། ཨ་མི་རི་ཀའི་གསར་ཤོག་ཆེ་གྲས་གསུམ་གྱིས་གཟའ་མིག་དམར་ཉིན་རྒྱ་ནག་གཞུང་ལ་ཡོངས་གྲགས་ཀྱི་ཞུ་ཡིག་ཅིག་བཏང་སྟེ་རྒྱ་ནག་ཏུ་བཅའ་སྡོད་ཕྱི་རྒྱལ་གྱི་གསར་འགྱུར་ལས་ཁང་དེ་དག་གི་གསར་འགོད་པ་རྣམས་ཕྱིར་ཕུད་གཏོང་རྒྱུའི་ཐག་གཅོད་བྱས་པ་ཕྱིར་འཐེན་བྱ་དགོས་པའི་རེ་བ་བཏོན་པ་དང་སྦྲགས། ད་ལྟ་འཛམ་གླིང་སྤྱི་ཡོངས་ཀྱིས་ནད་ཡམས་ཁྱབ་བརྡལ་གྱི་དཀའ་ངལ་ཚབས་ཆེན་ཞིག་ལ་འཐབ་རྩོད་བྱེད་བཞིན་པའི་སྐབས་འདིར་མང་ཚོགས་ལ་དགོས་མཁོ་ཤིན་ཏུ་ཆེ་བའི་དྲང་བདེན་གྱི་གསར་འགྱུར་འབྱུང་ཁུངས་ཁག་མེད་པར་གཏོང་རྒྱུ་ནི་ཧ་ཅང་གི་མ་འཚམས་པ་ཞིག་ཡིན་པས་དེ་ལ་འགྱུར་བ་ངེས་པར་དུ་གཏོང་དགོས་ཞེས་བརྗོད་བྱས་ཡོད་པའི་སྐོར། གསར་འགྱུར་བརྒྱུད་ལམ་ཁག་ལ་ཐོན་པའི་གནས་ཚུལ་རྣམས་དཔལ་མོ་མཁས་གྲུབ་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།།
