ངོ་འཕྲད་བདེ་བའི་དྲ་འབྲེལ།

བོད་ནང་ཉིན་གསུམ་རིང་དྲ་ལམ་དང་མང་ཚོགས་འདུ་འཛོམས་དམ་དྲག་བྱེད་རྒྱུའི་བཀའ་རྒྱ་བཏང་ཡོད།


བོད་ནང་ཉིན་གྲངས་གསུམ་གྱིས་རིང་ལ་དྲ་ལམ་དང་མང་ཚོགས་འདུ་འཛོམས་སོགས་ལ་དམ་དྲག་བྱེད་རྒྱུའི་བཀའ་རྒྱ་བཏང་ཡོད་ཀྱང་མང་ཚོགས་ཀྱི་གསང་གསོལ་གཏོང་བ་སོགས་ཀྱི་སྒོ་ནས་རྒྱལ་བའི་འཁྲུངས་སྐར་སྲུང་བརྩི་བྱེད་བཞིན་པའི་གནས་ཚུལ་འདུག། ཞིབ་ཕྲ་གཤམ་ལ་སྙན་སྒྲོན་ཞུ་རྒྱུ་ཡིན། ལོ་ལྟར་སྤྱི་རྩིས་ཀྱི་སྤྱི་ཟླ་བདུན་པའི་ཚེས་དྲུག་གི་ཉིན་མོ་ནི་༧སྤྱི་ནོར་༧གོང་ས་རྒྱལ་བ་རིན་པོ་ཆེ་མཆོག་གི་སྐུའི་འཁྲུངས་སྐར་ཡིན་པས་བོད་ཕྱི་ནང་གཉིས་དང་འཛམ་གླིང་རྒྱལ་ཁབ་གང་སར་བཞུག་པའི་བོད་རིགས་དང་མགོན་པོ་གང་ཉིད་ལ་ཡིད་ཆེད་བློ་གཏད་ཡོད་མཁན་གྱི་མི་མང་པོ་ཞིག་གིས་འཁྲུང་སྐར་སྲུང་བརྩི་བྱེད་བཞིན་ཡོད་པ་དང་ད་ལོར་བོད་ནང་གི་ས་ཁུལ་ཁག་ཅིག་དུ་རྒྱ་ནག་གཞུང་གི་དམ་དྲག་གི་སྐོར་སོགས་ལ་མིང་བརྗོད་འདོད་པའི་གནས་ཚུལ་མཁོ་སྤྲོད་པ་ཞིག་གིས་འདི་ག་རླུང་འཕྲིན་ཁང་ལ་བརྗོད་དོན་་་་་སྒྲ་་་་་་དེ་ལྟར་ཁོང་གིས་བརྗོད་དོན་ལྟར་ན་བོད་ནང་གི་མགོ་ལོག་རྨ་ཆེན་དང་ར་རྒྱ་ཕྱོགས་། མགོ་ལོག་རྟ་བོ་དང་གཡོན་གཞི་ཕྱོགས་བཅས་སུ་སྤྱི་རྩིས་ཀྱི་ཚེས་ལྔ་ཉིན་ནས་བཟུང་སྤྱི་སྲུང་འཛུགས་པ་དང་རི་མགོར་རླུང་རྟ་དར་ལྕོག་གསར་འཛུགས་། གསང་གསོལ་གཏོང་བ་མི་མང་ཚང་མ་མཉམ་གཅིག་དུ་འཛོམས་ནས་སྲོལ་རྒྱུན་རྩེད་མོའི་རིགས་སྣ་ཚོགས་རྩེ་བ། ༧རྒྱལ་བའི་སྐུ་ཕྱིའི་ཆེད་དུ་ཞབས་རིམ་དང་སེམས་ཅན་ཚེ་ཐར་གཏོང་བ་སོགས་འདི་ལོར་༧རྒྱལ་བ་ཡིད་བཞིན་ནོར་བུ་མཆོག་དགོང་གྲངས་༨༥་ལ་ཕེབས་པའི་སྐུ་འཁྲུངས་སྐར་སྲུང་བརྩིེ་བྱེད་གི་ཡོད་། ཚེ་ལྔ་ཉིན་སྤྱི་གསང་གཏོང་བ་དང་ཚེས་དྲུག་ཉིན་འཁྲུངས་སྐར་དངོས་གཞི་ཉིན་མོ་། ཚེས་བདུན་ཉིན་སྲོལ་རྒྱུན་རྩེད་མོའི་རིགས་རྩེ་རྒྱུ་རེད། འོན་ཀྱང་རྒྱ་ནག་གཞུང་གི་ངོས་ནས་སྤྱི་ཚོགས་དྲ་བ་དང་སྡེ་དགོན་གཉིས་ཀྱི་མགོ་ཁྲིད་སོགས་བརྒྱུད་ནས་འཁྲུང་སྐར་སྔ་རྗེས་ཀྱི་ཉིན་གསུམ་རིང་མང་ཚོགས་མི་སྒེར་སོ་སོའི་དྲ་ལམ་བརྒྱུད་ནས་པར་རིས་དང་བརྙན་ཐུང་སོགས་བརྒྱུད་བསྐུར་བྱས་མི་ཆོག་པ་དང་མི་གཞན་གྱི་དྲ་ལམ་དུ་བཀོད་པ་དེར་སྙིང་རྟག་རྒྱག་པ་སོགས་བྱས་ཚེ་ཁྲིམས་འགལ་ནག་ཉེས་ཕོག་པ་དང་མི་ཚོགས་འདུ་འཛོམས་ཀྱི་བྱེད་སྒོ་སྤེལ་མི་ཆོག་ཚུལ་སྒྲགས་འདུག་པས་ཚང་མའི་གཟབ་གཟབ་བྱེད་དགོས་བའི་དུས་ལ་བབས་ཡོད་པ་རེད། གཙོ་བོ་སང་ཉིན་འཁྲུང་སྐར་དངོས་གཞི་ཉིན་གྱི་བྱེད་སྒོ་ཁག་གི་སྐབས་སུ་དྲ་ལམ་ལ་པར་དང་བརྙན་རིས་སོགས་བསྐུར་མི་ཉན་པ་མང་ཚོགས་ནང་ཁུལ་ཕན་ཚུན་ལ་གསལ་བརྡ་གཏོང་མཁན་ཡང་འདུག་། གལ་ཏེ་མངོན་གསལ་དོད་པོའི་སྒོ་ནས་༧རྒྱལ་བའི་སྐུ་པར་གདན་འདྲེན་དང་སྤྲི་ཀོར་སྟེང་དགུང་གྲངས་དང་མཚན་སོགས་མཁོད་དེ་དགའ་སྟོན་རྟེན་འབྲེལ་ལ་རོལ་ཚེ་རི་དགོན་གཉིས་ལ་ཉེན་ཁ་འབྱུང་སྲིད་སྐོར་བརྗོད་སོང་།་་་་་་་་་སྒྲ་་་་་་་་་ ཡང་གནས་ཚུལ་ཡོངས་ཁུངས་གཞན་ཞིག་ནས་བརྗོད་དོན་ལྟར་ན་མཚོ་སྔོན་དང་སི་ཁྲོན་ཀན་སུའུ་བཅས་ཀྱི་མངའ་ཁོངས་ཀྱི་བོད་རིགས་འདུས་སྡོད་ཀྱི་ས་གནས་ཁག་གི་ཞིང་ཆེན་དང་ཁུལ་ཐ་ན་རྫོང་ཐོག་བཅས་སུ་ཡོད་པའི་ཟ་ཁང་དང་མགྲོན་ཁང་ཆེན་པོའི་ནང་དུ་མང་ཚོགས་སྐོར་སྐོར་བྱས་དེ་འཛོམས་པའི་ཐོག་སྤྲི་ཀོར་གཏུབ་ནས་སྤྲོ་སྐྱིད་གཏོང་མཁན་འདྲ་ཡོད་མེད་ལ་རྒྱ་ནག་གི་གསང་བའི་ངང་རྟོག་ཞིབ་བྱེད་བཞིན་ཡོད་པས་དེ་ལ་གཟབ་གཟབ་ནན་མོ་བྱེད་དགོས་ཀྱིན་ཡོད་པའི་གནས་ཚུལ་མཁོ་སྤྲོད་གནང་སོང་།


XS
SM
MD
LG