༧གོང་ས་མཆོག་གིས་རྒྱ་གར་གནས་མཆོག་རྡོ་རྗེ་གདན་དུ་ནུབ་ཕྱོགས་ཡུལ་གྲུ་ཁག་ནས་ཕེབས་པའི་མཇལ་བ་ཚོར་མི་ཚེ་བདེ་སྐྱིད་ལྡན་པ་ཡོང་ཐབས་སྐོར་ལ་ལམ་སྟོན་གནང་སྟེ། འགྲོ་བ་མིའི་ལྷན་སྐྱེས་སུ་བྱམས་སྙིང་རྗེ་ལྡན་པ་ཚན་རིག་པ་ཚོས་གསལ་སྟོན་བྱས་པ་ལྟར་དེ་ལག་ལེན་བསྟར་རྒྱུ་ནི་བདེ་སྐྱིད་ཀྱི་ལྡེ་མིག་ལྟ་བུ་ཡིན་ཞེས་བཀའ་བསྩལ་ཡོད་ཅིང་། ཡང་དགྲ་བོ་ཡིན་བསམ་པའི་ཕ་རོལ་བོ་དེར་བྱམས་སྙིང་རྗེ་ཉམས་ལེན་ཐོག་རང་ཉིད་དང་གཅིག་མཚུངས་ལྟར་བདེ་བ་འདོད་ཅིང་སྡུག་བསྔལ་མི་འདོད་པའི་འགྲོ་བ་མི་ཡིན་པའི་འདུ་ཤེས་འཛིན་རྒྱུ་ནི་བྱམས་སྙིང་རྗེ་ངོ་མ་དེ་ཡིན་པ་བཅས་ཀྱི་བཀའ་སློབ་བསྩལ་འདུག ཚེ་རིང་སྐྱིད་ཀྱིས་བཀའ་སློབ་ཕྱོགས་སྒྲིག་བྱས་ཡོད་པར་གསན་རོགས་གནོངས།
