༄༅།། རྒྱ་གཞུང་གིས་བོད་ཀྱི་རྫ་ཆུ་ཁའི་རྫ་སྨད་དབོན་པོ་ཡུལ་གྱི་སེར་སྐྱ་མང་ཚོགས་སུམ་ཅུ་བརྒལ་བ་ཞིག་ལ་དོགས་གཞི་ཡོད་པ་དང་། དྲ་རྒྱའི་ནང་གནས་ཚུལ་གང་བྱུང་སྤེལ་བ། ཕྱི་ཕྱོགས་ལ་འབྲེལ་བ་ཡོད་པ། གོང་ས་རྒྱལ་བ་རིན་པོ་ཆེའི་སྐུ་པར་བཤམས་པ། སྐད་ཆ་བཤད་སྟངས་ནོར་བ། སྤྱི་ཚོགས་ནང་རྙོག་གླེང་བཟོས་པ་བཅས་ཀྱི་ཉེས་མིང་འོག་ཟླ་བ་ཕྱེད་ཀ་ཙམ་རིང་བཀག་ཉར་བྱས་པ་མ་ཟད་དུས་ཡུན་དེའི་རིང་བཀག་ཉར་དང་ཆབ་སྲིད་ཀྱི་སློབ་གསོ་སྤྲད་ཡོད་པ་སོགས་ཁུངས་ལྡན་གནས་ཚུལ་འབྱོར་ཡུལ་རྒྱ་གར་ལྷོ་ཕྱོགས་སེར་བྱེས་བྱ་བྲལ་ཁང་ཚན་གྱི་དགེ་འདུན་པ་བྱམས་པ་ཡོན་ཏན་ལགས་ཀྱིས་འགྲེལ་བརྗོད་གནང་བའི་སྐོར། འདི་གའི་གསར་འགོད་པ་རྒྱལ་མཚན་ཆོས་གྲགས་ལགས་ཀྱིས་གནས་ཚུལ་བཏང་བ་ཞིག་གསན་རོགས་གནང་།
