༢༠༡༩་ལོའི་ཕྱི་ཟླ་༡༠་པའི་ཚེས་༩་ཡས་མས་སུ་བོད་ལྗོངས་ནག་ཆུ་ས་ཁུལ། རྟར་ཆེན་ཡུལ་ཚོ། གེ་སོ་ཚ་ལྷིས་གྲོང་ཚོའི་ལྷ་དར་ལགས་རྒྱ་ནག་གཞུང་གིས་འཛིན་བཟུང་བྱས་ནས་དེང་སྐབས་གར་སོང་ཆ་མེད་རུ་གྱུར་འདུག་ཅིང་། ས་གནས་དེའི་ཡུལ་མི་མིང་འདོན་བྱ་འདོད་མེད་པའི་བོད་པ་ཞིག་གིས་གསར་འགོད་པར་ཁུངས་ལྡན་གནས་ཚུལ་མཁོ་སྤྲོད་བྱས་པར་གཞིགས་ན། རྒྱ་ནག་གཞུང་གིས་རྟག་ཏུ་བོད་པ་ཚོ་འཛིན་བཟུང་བྱེད་དུས་རྒྱལ་ཁབ་ཀྱི་གསང་བ་ཕྱིར་བསྒྲགས་བྱས་པའི་ཉེས་མིང་འགེལ་བཞིན་ཡོད་སྟབས། བཟའ་མི་དང་ཉེ་འབྲེལ་སོགས་ཀྱིས་ལྷ་དར་ལགས་ལའང་རྒྱལ་ཁབ་ཀྱི་གསང་བ་ཕྱིར་བསྒྲགས་བྱས་པའི་ཉེས་འཛུགས་འོག་ཏུ་འཛིན་བཟུང་བྱས་པ་ཞིག་ཡིན་པའི་སྲིད་ཚོད་དཔག་བྱེད་བཞིན་པ་སོགས་ཀྱི་སྐོར། འདི་གའི་གསར་འགོད་པ་རྒྱལ་མཚན་ཆོས་གྲགས་ལགས་ཀྱིས་གནས་ཚུལ་བཏང་བ་དེ་གསན་རོགས་གནང་།
