༄༅།། བོད་ཀྱི་གཞིས་ཀ་རྩེ་ས་ཁུལ། འབྲོང་པ་རྫོང་དུ་རྒྱ་མི་གཏེར་ཁ་སྔོག་འདོན་པས་ས་གནས་དེའི་བོད་པ་ཚོར་འདོད་མོས་མེད་བཞིན་དུ་གསེར་དང་ལྕགས་རྡོའི་གཏེར་ཁ་སྔོག་འདོན་གྱིས་རྒྱ་ནག་ལ་དབོར་འདྲེན་བྱེད་བཞིན་འདུག་ཅེས་འབྲེལ་ཡོད་གནས་ཚུལ་ཤེས་རྟོགས་བྱུང་མཁན་ཞིག་གིས་འགྲེལ་བརྗོད་གནང་ཡོད་ཅིང་། གནས་ཚུལ་མཁོ་སྤྲོད་པ་དེས་གཏེར་ཁ་སྔོག་འདོན་གྱི་ལས་གཞིས་རྐྱེན་པས་འབྲོང་པ་རྫོང་ཁུལ་གྱི་ཁོར་ཡུག་དང་མི་ཕྱུགས་སོགས་ལ་གནོད་འཚེ་ཆེན་པོ་འཕོག་གི་འདུག་ཅེས་འགྲེལ་བརྗོད་གནང་བ་སོགས་ཀྱི་སྐོར། འདི་གའི་གསར་འགོད་པ་རྒྱལ་མཚན་ཆོས་གྲགས་ལགས་ཀྱིས་གནས་ཚུལ་བཏང་བ་ཞིག་གསན་རོགས་གནང་།
