ལྷོ་རྒྱ་ནག་རྒྱ་མཚོ་ནང་དུ་མངའ་ཁོངས་བདག་དབང་གི་རྩོད་གཞི་ཡོད་པ་དང་རྒྱལ་སྤྱིའི་ཉེས་དོན་ཁྲིམས་ཁང་གིས་ཧྥི་ལི་པིན་གྱི་ཁྲིམས་གཏུགས་བྱས་པ་དེར་བདེན་པ་འདུག་ཅེས་ཐག་གཅོད་བྱས་ནས་ལོ་གསུམ་འགྲོ་བཞིན་ཡོད་ཅིང་། རྒྱ་ནག་གིས་རྒྱལ་སྤྱིའི་ཁྲིམས་ཁང་དེའི་བཅད་ཁྲ་ལ་བརྩི་འཇོག་བྱ་རྒྱུའི་འདོད་པ་མེད་པའི་རྣམ་འགྱུར་གསལ་པོར་བསྟན་ཡོད་པར་མ་ཟད། ད་ལྟ་རྒྱ་ནག་གིས་ཝྭི་ཏེ་ནམ་ལའང་ལྷོ་རྒྱ་ནག་རྒྱ་མཚོའི་ནང་གི་གླིང་ཕྲན་ཁག་ཅིག་གི་བདག་དབང་ཡོད་པར་བརྩི་མེད་གཏོང་གི་ཡོད་པའི་སྐོར། གསར་ཤོག་ཁག་ལ་ཐོན་པའི་གནས་ཚུལ་དེ་ནམ་མཁའ་བསྟན་འཛིན་གྱིས་ཕབ་སྒྱུར་དང་སྙན་སྒྲོན་ཞུ་ཡི་རེད།
