བྱང་ཀོ་རི་ཡས་སྐུ་ཞབས་ཌོ་ནོལ་ཁྲ་རམ་གྱིས་ཨ་མི་རི་ཀའི་སྲིད་འཛིན་གྱི་མཚན་གནས་འགན་བཞེས་གནང་བའི་རྗེས་ཀྱི་མེ་ཤུགས་འཕུར་མདའི་ཚོད་ལྟ་དང་པོ་དེ་ཁ་ས་གཟའ་སྤེན་པའི་ཉིན་བྱས་ཡོད་པ་དང་། བྱང་ཀོ་རི་ཡས་རང་ཉིད་ཀྱི་མེ་ཤུགས་འཕུར་མདའི་ཚོད་དེ་བྱས་པའི་རྗེས་ཨ་མི་རི་ཀའི་སྲིད་འཛིན་ཁྲ་རམ་མཆོག་དང་ཉི་ཧོང་གི་སྲིད་བློན་མཆོག་རྣམ་གཉིས་ཀྱིས་གསར་འགོད་པའི་ལྷན་འཛོམས་ཤིག་ལ་གསུང་མོལ་གནང་སྐབས་ སྲིད་འཛིན་ཁྲ་རམ་གྱིས་ཨ་མི་རི་ཀས་ཉི་ཧོང་གི་སྲུང་སྐྱོབ་བརྒྱ་ཆ་བརྒྱ་བྱ་རྒྱུའི་ཞལ་བཞེས་གནང་ཡོད་པ་སོགས་ཀྱི་སྐོར་ལ་ཕུན་ཚོགས་ཚེ་རིང་གིས་ཕྱོགས་བསྒྲིགས་གནང་བའི་གནས་ཚུལ་དེ་གསན་གྱི་རེད།