རྒྱལ་ཚོགས་ཀྱི་བདེ་འཇགས་ལས་འཛིན་ལྷན་ཁང་གིས་གཟའ་མིག་དམར་གྱི་ཕྱི་དྲོའི་ཆུ་ཚོད་༣་པའི་ཐོག་ཏུ་བྱང་ཀོ་རི་ཡར་དཔལ་འབྱོར་བཀག་སྡོམ་གྱི་ཉེས་ཆད་འཕར་མ་ཁག་ཅིག་འགེལ་དགོས་མིན་ཐད་འོས་ཤོག་འཕངས་ནས་ཐག་གཅོད་གནང་གི་ཡོད་ཅིང་། ད་བར་རྒྱལ་ཚོགས་ཀྱི་ངོས་ནས་བྱང་ཀོ་རི་ཡར་རྡུལ་ཕྲན་མཚོན་ཆ་བཟོ་སྐྲུན་བྱ་མི་ཆོག་པའི་དམ་དྲག་བྱས་པ་ཁག་ལ་བྱང་ཀོ་རི་ཡས་བརྩི་མེད་རྡོག་རོལ་བཏང་བར་བརྟེན། བྱང་གི་མཐུན་ཕྱོགས་རྒྱལ་ཁབ་རྒྱ་ནག་དང་ར་ཤི་ཡ་གཉིས་ཀྱིས་ཀྱང་བྱང་ཀོ་རི་ཡར་དཔལ་འབྱོར་བཀག་སྡོམ་གྱི་ཉེས་ཆད་འཕར་མ་འགེལ་རྒྱུར་མོས་མཐུན་བྱས་ཡོད་པ་རེད། །
