སྤྱི་ལོ་༡༩༥༩་ལོའི་རྗེས་སུ་བོད་པ་ཚོ་གཞིས་གཉིས་ལ་གྱེས་ཏེ་ནང་མི་ཁ་འཐོར་གྱི་གནས་སྟངས་ཤིག་ཆགས་ཡོད་ཅིང་། འདས་པའི་ལོ་ཤས་རིང་བོད་པ་ཚོས་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་དང་སྐད་འབོད་བྱེད་མཁན་བྱུང་བ་དེ་དག་གི་ཤུལ་ལུས་ནང་མིའམ། ཡང་ད་ལྟ་བཙོན་ཁང་དུ་ཡོད་པའི་བོད་པ་སྲིད་དོན་བཙོན་པ་ཚོའི་ནང་མི་བཅས་ཀྱི་ཆེད་དུ་ལོ་སར་ཚེས་གཅིག་ཉིན་བོད་ཀྱི་དངོས་ཡོད་གནས་སྟངས་ཕྱི་ནང་གི་མི་རིགས་ཚང་ཀུན་ལ་དྲན་སྐུལ་བྱེད་པར་ཡུ་རོབ་རྒྱལ་ཁབ་སུད་སིར་གཞིས་ཚུགས་ཡོད་པའི་བོད་ཀྱི་མི་རབས་གསར་པའི་མཐུན་ཚོགས་ཀྱིས་ལོ་སར་སྐབས་སུ་བོད་དོན་གོམ་བགྲོས་དང་ཞུ་གཏུག་གི་ལས་འགུལ་ཞིག་སྤེལ་ཡོད་པ་རེད།།
གཟའ་ཕུར་བུ། ༢༠༢༤/༠༤/༢༥
