བཙན་བྱོལ་བོད་མིའི་སྒྲིག་འཛུགས་ཀྱི་དབུས་འོས་བསྡུ་ལྷན་ཁང་ནས་་ཕྱི་ལོ་༢༠༡༦ལོའི་སྲིད་སྐྱོང་གི་འོས་མི་གཉིས་དང་། སྤྱི་འཐུས་ཀྱི་འོས་མི་རྣམས་ཀྱི་མཚན་དང་མཚོན་རྟགས་བཅས་པ་གསལ་བསྒྲགས་གནང་ཡོད་འདུག དེ་ཡང་འདི་ལོའི་ཕྱི་ཟླ་གསུམ་པའི་ཚེས་༢༠་ཉིན་བཙན་བྱོལ་བོད་མི་ གནས་སྡོད་བྱ་ཡུལ་ས་གནས་ཚང་མའི་ནང་བོད་མིའི་སྒྲིག་འཛུགས་ཀྱི་སྲིད་སྐྱོང་དང་། སྐབས་༡༦་པའི་སྤྱི་འཐུས་ཀྱི་ཆེད་འོས་བསྡུ་བྱ་རྒྱུའི་དུས་ཚོད་གཏན་འབེབས་ཟིན་ཡོད་པ་ལྟར་ དེ་རིང་རེས་གཟའ་ལྷག་པའི་ཉིན་དབུས་འོས་བསྡུ་ལྷན་ཁང་གིས་བོད་མིའི་སྒྲིག་འཛུགས་ཀྱི་འོས་བསྡུ་ཆེན་མོའི་དངོས་གཞིའི་འོས་དམིགས་གསལ་བསྒྲགས་སྤེལ་པའི་སྐོར། འདི་གའི་གསར་འགྱུར་མཁོ་གཏོང་བ་བསྟན་འཛིན་བཟང་མོ་ལགས་ཀྱིས་ བཞུགས་སྒར་ནས་བཏང་བའི་གནས་ཚུལ་དེ་གསན་རོགས་གནང་།
གཟའ་མིག་དམར། ༢༠༢༤/༠༤/༢༣
