བཞུགས་སྒར་རྡ་རམ་ས་ལར་དེ་རིང་ཕྱི་ཟླ་༡༢་པའི་ཚེས་༡༠་ཉིན་མོར་འཇིག་རྟེན་ཞི་བདེའི་དེད་དཔོན། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ལ་འཛམ་གླིང་གི་ནོ་བེལ་ཞི་བདེའི་གཟེངས་རྟགས་འབུལ་ལམ་ཞུས་ནས་མི་ལོ་ཉེར་དྲུག་འཁོར་པའི་གཞུང་འབྲེལ་གྱི་དུས་དྲན་མཛད་སྒོ་ཟབ་རྒྱས་ཞིག་གནང་ཡོད་ཅིང་། ད་རེས་ཀྱི་མཛད་སྒོའི་ཐོག་ཏུ་དབུས་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དབུ་བཞུགས་ཀྱིས་ྋགོང་ས་ྋསྐྱབས་མགོན་ཆེན་པོ་མཆོག་གིས་འདས་པའི་མི་ལོ་ ༦༠ ལྷག་གི་རིང་ལ་བོད་དང་བོད་དོན་བདེན་མཐའ་སེལ་ཐབས་ལ་སྐུ་ལས་བསྐྱོན་པར་བཀའ་དྲིན་རྗེས་དྲན་ཞུས་ཡོད་པ་རེད།།
