ད་ལྟ་བལ་ཡུལ་དུ་ས་འགུལ་འོག་མི་ཤི་བའི་གྲངས་འབོར་༣༧༠༠་ལ་བསླེབས་པ་དང་ད་དུང་ཡང་ཤུགས་ཆེན་པོའི་ཇེ་མང་དུ་འགྲོ་རྒྱུའི་སྔོན་དཔག་བྱེད་བཞིན་པའི་སྐབས་སུ། ཡུལ་དེར་རྒྱལ་སྤྱིའི་ཉེན་སྐྱོབ་རུ་ཁག་འབྱོར་བཞིན་ཡོད་པ་རེད། འོན་ཀྱང་བལ་ཡུལ་རྒྱལ་ཡོངས་ས་འགུལ་ལག་རྩལ་སྤྱི་ཚོགས་(National Society for Earthquake Technology of Nepal) ཀྱི་འགན་འཛིན་གྱིས་འདི་ལ་རླུང་འཕྲིན་ཁང་ལ་བརྗོད་པ་ལྟར་ན། ད་དུང་ཡང་ས་ཁུལ་མང་པོར་ཆེད་ལས་ཉེན་སྐྱོབ་བྱེད་མཁན་འབྱོར་མེད་པ་རེད། དེའི་སྐོར་ལ་ཡེ་ཤེས་རྡོ་རྗེ་ལགས་ཀྱིས་ས་གནས་ཀྱི་འབྲེལ་ཡོད་མི་སྣ་ཁག་གཅིག་ལ་བཀའ་འདྲི་ཞུས་ནས་ཕྱོགས་བསྒྲིགས་ཞུས་པ་ཞིག་གསན་གནང་གི་རེད།
