རྒྱ་གར་ནང་རྐང་རྩེད་པོ་ལོ་སླར་གསོ་བྱ་རྒྱུར་ཚོང་པ་ཆེ་ཁག་དང་། གློག་བརྙན་འཁྲབ་མཁན། ཁིར་ཁེཌ་རྩེད་མཁན་གྲགས་ཅན༌བཅས་ཀྱིས་ཨ་སྒོར་ས་ཡ་མང་པོ་འགྲོ་སོང་བཏང་ནས་རུ་ཁག་བརྒྱད་ཡོད་པའི་རྒྱ་གར་རྒྱལ་ཡོངས་རྐང་རྩེད་པོ་ལོའི་འགྲན་སྡུར་ཞིག་གོ་སྒྲིག་བྱས་ཡོད་པ་དང་། རྩེད་འགྲན་དེར་ལྟད་མོ་ལྟ༌མཁན་མང་བ་ཡོང་བའི་ཆེད་དུ་ཕྱི་རྒྱལ་གྱི་རྐང་རྩེད་པོ་ལོ་རྩེད་མཁན་གྲགས་ཅན་འགའ་ཤས་ཀྱང་རྩེད་འགྲན་ནང་མཉམ་ཞུགས་གནང་རྒྱུར་མགྲོན་འབོད་བྱས་ཡོད་པ་རེད། རྒྱ་གར༌ནང་ཡོངས་གྲགས་ཁིར་ཁེཌ་རྩེད་འགྲན་ཧ་ཅང་དར་སོ་ཡོད་པའི་རྩེད་འགྲན་དེས་ཨ་སྒོར་འཐེར་འབུམ་མང་པོ་སྐྲུན་གྱི་ཡོད་པ་བཞིན་རྒྱ་གར་གྱི་རྐང་རྩེད་པོ་ལོ་དེ་ཡང་ཨ་སྒོར་ས་ཡ་མང་པོའི་ཁྲོམ་ར་ཞིག་ཏུ་བསྐྲུན་རྒྱུའི་དམིགས་ཡུལ་འཆང་ཀྱི་ཡོད་ཀྱང་ད་ལྟ་གདོང་ལེན་མང་པོ་བྱ་དགོས་པའི་སྐོར།
