ཕྱི་ལོ་ ༢༠༡༤ ཟླ་ ༡༠ ཚེས་ ༢ ཉིན་བདག་ཉིད་ཆེན་པོ་གཱན་ངྷི་མཆོག་གི་འཁྲུངས་ཚེས་ཉིན་བཞུགས་སྒར་རྡ་རམ་ས་ལར་སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་ལ་ཕྱི་ལོ་ ༡༩༨༩ ལོར་འཛམ་གླིང་ནང་ཆེས་སྙན་གྲགས་ཆེ་བའི་ནོ་བེལ་ཞི་བདེའི་གཟེངས་རྟགས་འབུལ་ལམ་ཞུས་ནས་ལོ་ངོ་ ༢༥ འཁོར་བའི་དྲན་གསོའི་མཛད་སྒོ་གཟབ་རྒྱས་ཤིག་༧གོང་ས་མཆོག་དབུ་བཞུགས་ཀྱི་ཐོག་ནས་གནང་ཡོད་པ་དང་ མཛད་སྒོའི་ཐོག་༧གོང་ས་མཆོག་གིས་མེས་པོ་དམ་པ་གཱན་དྷི་མཆོག་ལ་རྗེས་དྲན་ཡང་དག་པ་ཞིག་ཞུ་རྒྱུ་དེ་ནི་ཉིན་རེའི་འཚོ་བའི་ནང་དུ་མེས་པོ་ཁོང་གི་གནང་ཕྱོགས་བཞིན་ལག་ལེན་བྱ་རྒྱུ་དེ་རེད་ཅེས་བཀའ་བསྩལ་ཡོད་པ་སོགས་ཀྱི་སྐོར་འདི་གའི་གསར་འགྱུར་མཁོ་གཏོང་བ་བསྟན་འཛིན་བཟང་མོ་ལགས་ཀྱིས་གནས་ཚུལ་བཏང་བ་ཞིག་གསན་རོགས་གནང་།
