བོད་ཀྱི་ནང་དུ་རྒྱལ་དོན་འཚམས་འདྲི་གཟིགས་སྐོར་གནང་བཞིན་ ཡོད་པ་བལ་པོའི་སྲིད་འཛིན་སྐུ་གཞོན་ཕར་མ་ནར་དར་ཇ་ཧར་ཡིས། བོད་ཀྱི་རྒྱལ་ས་ལྷ་ས་དང་གཞི་ཀ་རྩེ་བར་གྱི་མེ་འཁོར་གྱི་ལྕགས་ལམ་གསར་པ་དེ་བཞིན་ བལ་ཡུལ་གྱི་ས་མཚམས་བར་དུ་རྒྱ་སྐྱེད་བྱེད་ཐུབ་པ་བྱུང་ན། ཡུལ་གྲུ་གཉིས་ ཕྱོགས་ཕན་ཚུན་གྱི་ཚོང་འབྲེལ་དང་ཡུལ་སྐོར་སྤྲོ་འཆམ་པའི་བྱ་གཞག་བཅས་ཀྱི་ཐད་ཡར་རྒྱས་གང་ལེགས་གཏོང་ཐུབ་པའི་རེ་བ་རྒྱག་གི་ཡོད་པའི་སྐོར་རྒྱལ་སྤྱིའི་གསར་གནས་ཁག་ཏུ་ཐོན་པའི་གནས་ཚུལ་རྣམས་བྱང་ཆུབ་སྒྲོལ་མས་ཕྱོགས་བསྒྲིགས་དང་སྙན་སྒྲོན་ཞུས་པ་ཞིག་གསན་གྱི་རེད།
