ཁམས་བྲག་མགོར་བོད་མིའི་སྟེང་མེ་མདའ་བསྐོར་བའི་པར་དཔང་།

བོད་ནས་འབྱོར་བའི་གནས་ཚུལ་ཁུངས་ལྡན་ལྟར་ན། ཕྱི་ཟླ་དང་པོའི་ཚེས་༢༣་སྟེ་རྒྱ་ནག་གི་སོ་ནམ་ལོ་སར་ཚེས་གཅིག་ཉིན།

ཁམས་བྲག་མགོ་ས་ཁུལ་དུ་སྦྱར་ཡིག་སྦྱར་མཁན་གྱི་བོད་མི་འཛིན་བཟུང་བཀག་ཉར་བྱེད་པར་ས་གནས་བོད་མི་བརྒྱ་ཕྲག་མང་པོས་ངོ་རྒོལ་སྐད་འབོད་བྱས་ནས་རླུང་རྟ་བར་སྣང་དུ་གཏོར་བའི་སྐབས་སུ། རྒྱ་ནག་གི་མདག་མི་དང་བདེ་སྲུང་མི་སྣས་མི་ཚོགས་ཀྱི་སྟེང་དུ་མེ་མདའ་བརྒྱབ་སྟེ་མི་༦་བསད་ནས་སུམ་ཅུ་ལྷག་ལ་རྨས་སྐྱོན་བཟོས་པ་རེད།།