༄༅།། དེ་རིང་སྲིད་སྐྱོང་བློ་བཟང་སེངྒེ་དང་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་རྣམ་གཉིས་གཙོས་བོད་མིའི་སྒྲིག་འཛུགས་ཀྱི་ཏོག་དབྱིབས་ནད་དུག་ཛ་དྲག་ལས་དོན་ཚོགས་ཆུང་གིས་བདུན་རེའི་ཏོག་དབྱིབས་ནད་དུག་གི་གསར་འགོད་ལྷན་ཚོགས་བསྐོངས་ཡོད་ཅིང་། འདས་པའི་བདུན་ཕྲག་དེར་ཕྱི་རྒྱལ་ཡུལ་གྲུ་ཁག་ཏུ་བོད་པ་ནད་དུག་ཕོག་མཁན་གྱི་གྲངས་ཐོ་གསར་པ་གང་ཡང་འབྱོར་མ་བྱུང་། རྒྱ་གར་དང་བལ་ཡུལ་དུ་བདུན་ཕྲག་གཅིག་གི་ནང་ཚུད་དུ་ནད་དུག་འགོས་པའི་བོད་པ་༡༤་ཐོན་སོང་།