ཁ་བརྡ་དྲ་ཚིགས་ཀྱི་རྩོམ་ཡིག་ཅིག་གི་ནང་དུ། བོད་མདོ་ཁམས་སྡེ་དགེའི་འབྲོག་སྡེ་གཉིས་ཀྱིས་འདས་པའི་ལོ་ངོ་གཉིས་ལྷག་གི་རིང་དབྱར་རྩྭ་དགུན་འབུ་བརྐོ་བའི་རྩྭ་ས་རྩོདརྙོག་བྱུང་ཡོད་པ་དེ་ད་ལོ་བསྐྱར་དུ་རྩོད་རྙོག་བྱུང་སྐབས། ཡུལ་དེའི་སྐྱབས་ཆེ་དགོན་པས་བར་འདུམ་བྱས་ཏེ་གྱོད་གཞི་ཞི་འགྲིགས་བྱུང་ཡོད་པ་བཀོད་འདུག རྩོམ་ཡིག་དེ་རྩོམ་འབྲི་གནང་མཁན་ནི་ཨ་མེ་རི་ཀར་གནས་སྡོད་བྱེད་མཁན་བོད་མི་ཀུན་དགའ་ལགས་རེད། ཀུན་དགའ་ལགས་དང་དུ་སྡེ་དགེའི་འབྲོག་སྡེ་དེ་གཉིས་ཀྱི་རྩོད་རྙོག་དང་འབྲེལ་བའི་ཐད་ནས་ཚེ་རིང་སྐྱིད་ཀྱིས་གཏམ་གླེང་བྱས་ཡོད།
