དམངས་གཙོ་ཚོགས་པའི་སྲིད་འཛིན་བྷ་ཌན་དང་སྤྱི་མཐུན་ཚོགས་པའི་སྲིད་འཛིན་འོས་མི་ཊམ་དབར་ལ་འོས་བསྡུའི་འགྲན་བསྡུར་ནི་ད་ནས་ཟླ་བ་དྲུག་གི་རྗེས་སུ་འཚོག་རྒྱུ་ཡིན་པ་རེད། འོས་བསྡུ་ཉིན་མོའི་སྔོན་ལ་འོས་བསྡུའི་དྲིལ་བསྒྲགས་ལས་འགུལ་སོགས་ཀྱི་སྐོར་ལ་ཨ་རིའི་རླུང་འཕྲིན་ཁང་གི་གནས་ཚུལ་བསོད་ནམས་དབྱངས་འཛོམས་ཀྱིས་སྙན་སྒྲོན་ཞུ།
རྒྱ་གར་གྱི་རྒྱལ་ས་ལྡི་ལིའི་ཁ་ཆེ་མི་འབོར་ཆེ་བའི་གྲོང་ཚོ་ཞིག་ཏུ་འདས་པའི་ལོ་ངོ་བཞིའི་སྔོན་མི་སེར་གྱི་ཁྲིམས་གསར་པར་ཟླ་བ་མང་པོར་ངོ་རྒོལ་བྱས། ད་ཆ་ས་ཆ་དེ་ཟས་ཀྱི་ཁྲོམ་རར་གྱུར་བ་ནི་ངོ་རྒོལ་བྱས་སྐབས་སྤྱི་ཚོགས་འདྲ་མིན་གྱི་མི་རྣམས་ཞེ་ལག་མཉམ་དུ་མཆོད་པའི་ཉམས་མྱོང་དང་འབྲེལ་བ་ཡོད་པ་བསོད་ནམས་དབྱངས་འཛོམས་ཀྱིས་བསྒྱུར།
རྒྱ་ནག་གི་ཞི་ཅིན་ཕིང་གི་ཧྥ་རན་སིའི་ནང་ཉིན་༢ རིང་གི་འཚམས་འདྲི་དེ་རེས་གཟའ་མིག་དམར་ཉིན་མཇུག་སྒྲིལ་ཡོད། དེ་ནི་འདས་པའི་ལོ་༥ ཡི་ནང་ཁོ་པ་ཡུ་རོབ་ནང་འཚམས་འདྲི་སླེབས་པ་ཐོག་མ་དེ་ཡིན། རྒྱ་ནག་དང་ཡུ་རོབ་ཀྱིས་ཚོང་དོན་གྱི་རྩོད་རྙོག་དང་ཨུ་རུ་སུའི་གནད་དོན་སོགས་དང་འབྲེལ་བའི་དཀའ་རྙོག་ཁག་ཅིག་ལ་གདོང་ལེན་བྱེད་བཞིན་ཡོད།
ཨི་སི་རེལ་གྱིས་གྷ་ཛའི་ལྷོ་ཕྱོགས་གྲོང་ཁྱེར་ར་ཧྥའི་ནང་དྲག་པོའི་བཙན་རྒོལ་ཞིག་བྱ་རྒྱུའི་འཆར་གཞིའི་འོག ཨི་སི་རེལ་དང་ཧ་མ་སི་ཡི་དབར་མེ་འཕེན་མཚམས་འཇོག་ཡོང་རྒྱུའི་རེ་གཞི་ཇེ་བཟང་དུ་ཕྱིན་པའི་གནས་ཚུལ་ཐོན་པ་དང་། དེ་བཞིན་སྲིད་འཛིན་བྷ་ཌན་གྱིས་ཇོར་ཌན་གྱི་རྒྱལ་པོར་མཇལ་འཛོམས་དང་ཨི་སི་རེལ་གྱི་འགོ་ཁྲིད་དང་བཀའ་མོལ་གནང་།
༄༅།། ཡུཀ་རེན་གྱི་གསང་བའི་ལས་ཁུངས་ནས་ཨུ་རུ་སུའི་གསང་ཉུལ་ཚོས་སྲིད་འཛིན་ཛེ་ལན་སི་ཀི་དང་མཐོ་རིམ་དམག་དཔོན་ཚོ་གསོད་རྒྱུའི་ལྐོག་ཇུས་བཤམས་པ་འགོག་ཐུབ་ཡོད་ཅེས་གསལ་བསྒྲགས་སྤེལ།
འགྲོ་བ་མིའི་ཐོབ་ཐང་སྲུང་སྐྱོབ་པ་ཚོས་བརྗོད་དོན་བྱས་ན། པ་ཀི་སི་ཐན་གྱི་སྲིད་བློན་ཟུར་པ་KHAN གྱི་རྒྱབ་སྐྱོར་བ་ཚོས་ཁོང་གཞུང་གིས་འཛིན་བཟུང་བྱས་པར་ངོ་རྒོལ་བྱེད་རྒྱུར་དམག་དཔུང་གི་མཁར་དངོས་ཐོག་བཙན་རྒོལ་བྱས་པ་ནས་བཟུང་། ཡུལ་དེར་སྲིད་དོན་གྱི་བཙན་གནོན་དམ་དྲག་ཇེ་ཆེར་ཕྱིན་ཡོད་པའི་སྐོར་ནོར་བུ་བསམ་འཕེལ་གྱིས་བསྒྱུར།
༄༅།། ཨ་རི་དང་ཉི་ཧོང་། ཨོ་གླིང་དང་ཧྥི་ལི་ཕིན་བཅས་ཀྱིས་བདེ་འཇགས་སྲུང་སྐྱོབ་ཟླ་གྲོགས་ཞེས་ཤོག་ཚན་གསར་པ་ཞིག་བཙུགས། ཕྱི་ཟླ་༥་པའི་ཚེས་༧་ཉིན་ཨེ་ཤི་ཡའི་དུས་བབ་ཚགས་པར་ལ་གནས་ཚུལ་ཐོན་པ་ལྟར་ན། ལྷོ་རྒྱ་ནག་རྒྱ་མཚོའི་ནང་དུ་འཁྲུག་རྩོད་ཇེ་ཆེ་དང་ཐེ་ཝན་མཚོ་འགག་ཏུ་དམག་འཁྲུག་ལང་རྒྱུའི་ཉེན་ཁ་ཆེ་རུ་འགྲོ་བཞིན་ཡོད་ཅིང་།
ཚ་ཚ་འུར་འུར་གྱི་རྒྱ་གར་རྒྱལ་ཡོངས་འོས་བསྡུ། ཧྥ་རྒྱ་གཉིས་ཀྱི་སྲིད་འཛིན་གྱི་མཇལ་མོལ། གསར་འགོད་པ་བཙོན་འཇུག་མང་ཤོས་ཀྱི་རྒྱལ་ཁབ། དབུལ་སྒྲོལ་འགག་སྒྲོལ་གྱི་ངན་འབྲས། བོད་ཀྱི་སྐད་ཡིག་ཚོགས་འདུ་མཇུག་སྒྲིལ།
བལ་ཡུལ་གྱི་བརྒྱ་ལོར་གསར་པའི་རྒྱབ་ཏུ་བཀོད་པའི་ས་ཁྲའི་ནང་དུ་ལི་ཕུགས་ལེགས་དང་ཀ་ལ་པ་ཎི། ལིམ་པི་ཡ་དྷུ་ར་༣་འདུས་ཡོད་པས་རྒྱ་གར་གྱིས་ངོ་རྒོལ་དྲག་པོ་བྱས་འདུག
ཨ་རིའི་མཐོ་སློབ་ཁག་གི་ནང་ཉེན་རྟོག་པས་སློབ་ཕྲུག་ངོ་རྒོལ་བའི་སྡོད་སྒར་བཤིགས་ནས་ཕྱིར་འདོན་བྱས་ཡོད་ཀྱང་ངོ་རྒོལ་ལས་འགུལ་དེ་དག་མུ་མཐུད་སྤེལ་བཞིན་པ་རེད། སྲིད་དོན་ཉམས་ཞིབ་པས་བརྗོད་དོན་བྱས་ན་གལ་སྲིད་སློབ་ཕྲུག་གི་ངོ་རྒོལ་དེ་དག་མུ་མཐུད་བྱས་པ་ཡིན་ན་ ༢༠༢༤ལོའི་སྲིད་འཛིན་འོས་བསྡུའི་ཐོག་ཤུགས་རྐྱེན་ཐེབས་སྲིད་པ་རེད།
ན་ནིང་ཕྱི་ཟླ་༡༡་པའི་ནང་དུ་ནེའུ་ཡོཀ་མངའ་སྡེར་གནས་འཁོད་རྒྱ་གར་གྱི་སིག་རྒྱ་བོ་ཞིག་ལྐོག་གསོད་བྱ་རྒྱུའི་ལྐོག་ཇུས་བཤམས་པ་ཨ་རིའི་ཁྲིམས་འཛིན་ལྷན་ཁང་གིས་ཤེས་རྟོགས་བྱུང་ནས་བཀག ཨ་རིའི་ཁྲིམས་འཛིན་ལྷན་ཁང་གིས་རྒྱ་གར་གྱི་གསང་བའི་ལས་ཁུངས་ནས་སིག་རྒྱ་བོ་དེ་གསོད་དགོས་པའི་མངགས་བཀོད་བྱས་འདུག་ཟེར།
གྲོས་ཚོགས་ནི་ཨ་རིའི་གཞུང་གི་ཁྲིམས་བཟོའི་སྡེ་ཚན་ཞིག་ཡིན་པའི་ཆ་ནས། གྲོས་ཚོགས་ཀྱིས་རྒྱལ་ཁབ་ཀྱི་ཁྲིམས་འཆར་འདོན་རྒྱུ་དང་བཅའ་ཁྲིམས་གཏན་འབེབས་ཀྱི་རྐང་འགན་ཁུར་གྱི་ཡོད་པ་སོགས་ཨ་རིའི་གྲོས་ཚོགས་གོང་འོག་གཉིས་ཀྱི་ངོ་སྤྲོད་མདོར་བསྡུས་གཤམ་གསལ།
ཨུ་རུ་སུའི་སྲིད་འཛིན་ཕུ་ཊིང་གིས་སྲིད་འཛིན་གྱི་ལས་དུས་སྐབས་༥ པ་དེ་བཞིན་འགོ་འཛུགས་ཀྱིས་མ་འོངས་པར་མུ་མཐུད་ནས་དུས་ཡུན་ལོ་ངོ་༦ གི་རིང་ལ་སྲིད་དབང་འཛིན་རྒྱུ་ཡིན་པ་དང་། ཁོ་པ་ནི་ད་ཆ་འཛམ་གླིང་ཐོག་སྲིད་དབང་གཅིག་སྡུད་བྱེད་མཁན་གྱི་སྲིད་འཛིན་དམིགས་བསལ་ཅན་ཞིག་ཏུ་ཆགས་ཡོད་པའི་སྐོར་འདིར་གསལ།
ཨ་མི་རི་ཀའི་ཆེས་མཐོའི་སྤྱི་དམངས་ཀྱི་གཟེངས་རྟགས་དེ་ཨ་རིའི་གྲོས་ཚོགས་འོག་མའི་ཚོགས་གཙོ་ཟུར་པ་ལྕམ་ནན་སི་པེ་ལོ་སི་མཆོག་གིས་དབུས་པའི་མི་སྣ་བཅུ་དགུ་ལ་གནང་ཡོད་པར། བོད་མི་སྒྲིག་འཛུགས་ཀྱིས་བོད་མི་ཡོངས་ཀྱི་ཚབ་ཞུས་ཏེ་འཚམས་འདྲི་ཞུས་གནང་ཡོད་པའི་སྐོར་འཇམ་དབྱངས་རྒྱ་མཚོ་ལགས་ཀྱིས་སྙན་སྒྲོན་ཞུས་ཡོད།
༄༅།། ཨུ་རུ་སུའི་དམག་ཁོངས་སུ་ཞུགས་པའི་བལ་པོ་རྣམས་ཀྱི་བཟའ་མི་ཚོས་རྒྱལ་ས་ཀ་ཐ་མན་རྡུ་གྲོང་ཁྱེར་དུ་ཟས་བཅད་ངོ་རྒོལ་བྱས་ནས་བལ་ཡུལ་གཞུང་ལ་རང་གི་སྤྱི་དམངས་དེ་རྣམས་ཨུ་རུ་སུའི་དམག་ཁོངས་ནས་ཕྱིར་ལེན་བྱ་དགོས་ཞེས་གནོན་ཤུགས་སྤྲོད་ཀྱི་ཡོད་པའི་གནས་ཚུལ་ཐོན་འདུག
ཨི་སི་རེལ་གྱི་སྲིད་བློན་གྱིས་གྷ་ཛའི་ལྷོ་ཕྱོགས་གྲོང་ཁྱེར་ར་ཧྥ་རུ་དམག་གཏོང་རྒྱུ་ཐག་གཅོད་གནང་ཡོད་པ་དང་། ཨ་རིའི་དམག་སྡེ་ཡིས་གྷ་ཛའི་མཚོ་འགྲམ་དུ་འབབ་ཚིགས་གསར་བཟོ་བྱེད་བཞིན་ཡོད་པ་དེ་ནི་མི་དམངས་ལ་རོགས་རམ་གནང་ཆེད་རེད། གྲོས་ཚོགས་འཐུས་མི་ཁག་གཅིག་གིས་ཨ་རིའི་བཟོ་སྐྲུན་དམག་མི་དེ་དག་གི་བདེ་འཇགས་ལ་བློ་འཚབ་ཡོད་པ་བསྟན།
༄༅།། ཨ་རི་རྒྱལ་ཡོངས་ཀྱི་སློབ་ཆེན་ཁག་ཏུ་གྷ་ཟའི་དམག་འཁྲུག་ལ་ངོ་རྒོལ་བྱེད་ཀྱི་ཡོད་ཀྱང་སྲིད་འཛིན་བྷ་ཌན་གྱིས་ཅི་ཡང་མི་སྨྲ་བའི་རྟུལ་ཞུགས་འཆང་། དམངས་གཙོ་ཚོགས་པ་གནད་དོན་དེའི་ཐོག་ཏུ་ཤོག་ཁག་གཉིས་སུ་ཆད།
སློབ་གྲྭའི་འཛིན་སྐྱོང་གི་ཉེན་བརྡ་གཏོང་བཞིན་པར་མ་ལྟོས་པར། ཨ་རིའི་སློབ་ཆེན་ཁ་ཤས་སུ་པ་ལི་སི་ཐན་ལ་རྒྱབ་སྐྱོར་གྱི་ལས་འགུལ་སྤེལ་བཞིན་པ་རེད། གཟའ་ཟླ་བའི་ཉིན་ཝ་ཤིང་ཊོན་མངའ་སྡེའི་ཝ་ཤིང་ཊོན་སློབ་ཆེན་དུ་ལས་འགུལ་སྤེལ་ས་ནས་ཨ་རིའི་རླུང་འཕྲིན་ཁང་གི་གསར་འགོད་པས་བཏང་ཡོང་བའི་གནས་ཚུལ་ཞིག་ཚེ་རིང་སྐྱིད་ཀྱིས་ཕབ་བསྒྱུར་ཞུས
ཨི་སི་རེལ་དང་ཧ་མ་སི་ཡི་དབར་གྷ་ཛའི་ནང་མེ་འཕེན་མཚམས་འཇོག་ཡོང་རྒྱུར་ལམ་ལྷོངས་བྱུང་མེད་ཀྱང་། ཨ་རིའི་ཕྱི་སྲིད་དྲུང་ཆེ་རེས་གཟའ་ཟླ་བའི་ཉིན་དཀྱིལ་ཤར་མངའ་ཁུལ་དུ་ཕེབས་ནས་ད་ལྟའི་དམག་འཁྲུག་འདི་མཇུག་སྒྲིལ་བྱས་པའི་རྗེས་མངའ་ཁུལ་དེའི་ནང་མི་མང་གི་འཚོ་བའི་གནས་སྟངས་ཡར་རྒྱས་གཏོང་ཐབས་སོགས་སུ་གྲོས་མོལ་རིམ་པ་ཞིག་གནང་ཡོད།
གཟའ་ཟླ་བའི་ཉིན་ཡུག་ཀེ་རེན་གྱི་གྲོང་ཁྱེར་ཨོ་ཌེ་ས་རུ་ཨུ་རུ་སུས་རྒོལ་རྡུང་བཏང་ནས་མི་ཤི་རྨས་བྱུང་ཡོད་པ་དང་། གྲོང་ཁྱེར་སྤྱི་ཁྱབ་ཀྱིས་མྱ་ངན་གྱི་ཉིན་མོ་གསལ་བསྒྲགས་གནང་། སྲིད་འཛིན་ཛེ་ལེན་སི་ཀིས་ནུབ་ཕྱོགས་ནས་མཚོན་ཆ་དང་དམག་གི་ཡོ་ཆས་རྣམས་འབྱོར་བཞིན་ཡོད་ན་འང་དེ་རྣམས་དུས་ཐོག་ལ་འབྱོར་དགོས་ཀྱི་འདུག་ཅེས་གསུངས་ཡོད།
མང་སྣོན།
