འཛམ་གླིང་།

རྒྱ་ནག་གི་དམག་རྒྱ་གར་གྱི་ས་ཐོག་ཏུ་ཐེངས་༡༠༢༥་འཛུལ་ཞུགས།

རྒྱ་གར་གྱི་རྒྱལ་སྲུང་བློན་ཆེན་གཞོན་པ་ཤྲི་པ་ནེཀ་གིས་གཟའ་ལྷག་པའི་ཉིན་རྒྱལ་ཡོངས་གྲོས་ཚོགས་ལ་༢༠༡༦་ནས་༢༠༡༨་བར་དུ་རྒྱ་ནག་གི་མཐའ་མཚམས་སྲུང་དམག་རྣམས་རྒྱ་གར་གྱི་ས་ཐོག་ཏུ་འཛུལ་ཞུགས་ཐེངས་༡༠༢༥་བྱས་སོང་ཞེས་སྙན་སེང་ཞུས་ཡོད་པའི་སྐོར།

ཨོ་གླིང་གི་ཉེན་རྟོག་པས་རྒྱ་ནག་གི་གསང་ཉུལ་ལ་ཞིབ་འཇུག

ཨོ་གླིང་རྒྱལ་ཁབ་ལ་སྐྱབས་བཅོལ་ཞུས་པའི་རྒྱ་ནག་གི་གསང་བའི་མི་སྣ་ཟུར་པ་ཞིག་གིས་རྒྱ་ནག་གི་གསང་བའི་མི་སྣ་ཁག་འཛམ་གླིང་ཡུལ་གྲུ་གང་སར་ཁྱབ་ཡོད་ཡོད་པའི་གནས་སྟངས་ནི་ཧ་ཅང་གི་ཚབས་ཆེན་ཞིག་ཏུ་གྱུར་ཡོད་ཅིང་། ལྷག་པར་དུ་རྒྱ་ནག་གི་གསང་བའི་མི་སྣ་ཚོས་ཨོ་གླིང་རྒྱལ་ཁབ་ཀྱི་ཆབ་སྲིད་ལ་ཐེ་གཏོགས་བྱེད་ཐུབ་པའི་ལས་འགུལ་སྤེལ་གྱི་འདུག་ཅེས་ཐེར་འདོན་བྱས་པར་ཨོ་གླིང་རྒྱལ་ཁབ་ཀྱི་ཉེན་རྟོག་པས་དངོས་སུ་ཞིབ་འཇུག་བྱེད་འགོ་ཚུགས་ཡོད་པ་སོགས་ཀྱི་སྐོར།

ལྷོ་ཀོ་རི་ཡར་ཧོང་ཀོང་གི་ལས་འགུལ་སྤེལ་བར་རྒྱ་ནག་གི་སློབ་ཕྲུག་ཚོས་ངོ་རྒོལ།

འཛམ་གླིང་ནང་དུས་ཟིང་།

འཛམ་གླིང་ནང་དུས་ཟིང་།

འཛམ་གླིང་གི་སའི་གོ་ལའི་གནམ་གཤིས་འགྱུར་ལྡོག

ལོ་འདིའི་མཉམ་འབྲེལ་རྒྱལ་ཚོགས་ཀྱི་གོ་ལའི་གནམ་འགྱུར་ལྡོག་གི་ཚོགས་ཆེན་དེ་སྤྱི་ཟླ་༡༢་པའི་ཚེས་༢་ནས་ཚེས་༡༣་བར་དུ་སི་པེན་གྱི་རྒྱལ་ས་མཱེ་ཌི་རི་ཌེ་གྲོང་ཁྱེར་དུ་འཚོགས་འཆར་ཡོད་ཅིང་། ཚོགས་ཆེན་འདི་མ་ཚོགས་པའི་སྔོན་ལ་མཉམ་འབྲེལ་རྒྱལ་ཚོགས་ཀྱི་ཁོར་ཡུག་ཚན་པའི་འགན་འཛིན་ཨིན་གྷིར་ཨན་བྷིར་སིན་གྱིས་གཟའ་མིག་དམར་ཉིན་དྲོད་ཁང་གི་རླངས་རྫས་ཕྱི་ལ་ཁྱབ་ནས་གནོད་འཚེ་འབྱུང་གི་ཡོད་པ་འཛམ་གླིང་རྒྱལ་ཁབ་ཡོངས་ཀྱིས་གང་མགྱོགས་ཉུང་དུ་གཏོང་དགོས་ཞེས་འབོད་སྐུལ་ཞུས་འདུག

ཨ་གླིང་གྲོས་ཚོགས་དང་རྒྱ་ནག་གི་འོས་མི།

རྒྱ་ནག་གིས་ཨོ་གླིང་རྒྱལ་ཁབ་ཀྱི་གྲོས་ཚོགས་སུ་རྒྱ་ནག་གི་འདོད་དོན་སྒྲུབ་མཁན་འོས་མི་ཞིག་ཆེད་འཛུགས་བྱེད་ཐུབ་པའི་འབད་བརྩོན་བྱས་པ་རེད་ཅེས་ཨོ་གླིང་གཞུང་གི་གསང་བའི་ཁང་གི་ལས་སྣེ་ཞིག་གིས་གསལ་སྟོན་བྱས་ཡོད་པའི་སྐོར།

ལ་དྭགས་ནི་བོད་ལྟར་འགྱུར་སྲིད་པའི་ཉེན་བརྡ།

ལ་དྭགས་ཀྱི་གཞོན་ནུ་ཚོགས་པ་གཙོ་བོར་གྱུར་པའི་སྲིད་དོན་ཚོགས་པ་ཁག་དང་མི་མང་ལས་འགུལ་བ་མང་པོ་ཞིག་གིས་མངའ་ཁུལ་དེ་འཇའ་མུ་དང་ཀ་ཤི་མིར་མངའ་སྡེའི་འོག་ནས་ལོགས་སུ་འཐོན་དགོས། ལ་དྭགས་ལ་རྒྱ་གར་དབུས་གཞུང་གི་ཐད་སྐྱོང་ས་ཁུལ་གྱི་གནས་བབ་སྤྲོད་དགོས་ཞེས་ལོ་མང་རིང་འཐབ་རྩོད་བྱས་ཡོད་ཅིང་།

ཐེ་ཝན་དང་རྒྱ་ནག ཐུ་ཝྭ་ལུ།

ཞི་བདེའི་རྒྱ་མཚོའི་ནང་དུ་ཆགས་པའི་མཚོ་གླིང་རྒྱལ་ཁབ་ཐུ་ཝྭ་ལུའི་གཞུང་གིས་རྒྱ་ནག་གི་དཔལ་འབྱོར་རོགས་རམ་གྱི་འཆར་གཞི་ཁག་ལ་མོས་མཐུན་མ་བྱས་པ་དང་། འདི་ནི་རྒྱ་ནག་གིས་ཐེ་ཝན་ལ་ཕྱི་འབྲེལ་བཙུགས་ཡོད་པའི་རྒྱལ་ཁབ་ཁག་ལ་དཔལ་འབྱོར་རོགས་རམ་སྤྲད་ནས་རྒྱལ་ཁབ་དེ་དག་རྒྱ་ནག་གི་ཕྱོགས་སུ་འགུགས་ཐབས་བྱེད་བཞིན་པར་འགག་རྐྱེན་འཕྲད་པའི་གནས་ཚུལ་ཞིག་ཡིན་ཞིང་།

རྒྱལ་སྤྱིའི་གསར་འགྱུར། ༢༠༡༩ ཟླ་ ༡༡ ཚེས་༢༢

རྒྱལ་སྤྱིའི་གསར་འགྱུར། ༢༠༡༩ ཟླ་ ༡༡ ཚེས་༢༢

འཇར་མན་ཎིས་ཐེ་ཝན་ལ་དམག་དོན་འབྲེལ་བ་འཛིན་དགོས་ཟེར།

ཡུ་རོབ་རྒྱལ་ཁབ་འཇར་མན་ཎིའི་སྲིད་དོན་པ་ཞིག་གིས་ང་ཚོས་འཛམ་གླིང་རྒྱལ་ཁབ་མང་པོ་ཞིག་གི་དམག་ལ་སྦྱོང་བརྡར་སྤྲོད་ཀྱི་ཡོད་པའི་ཁུངས་སུ་ཐེ་ཝན་ཡང་འཇུག་དགོས། འཇར་མན་ཎིའི་དམག་དང་ཐེ་ཝན་གྱི་དམག་གིས་མཉམ་འབྲེལ་དམག་སྦྱོང་བྱེད་ཐུབ་པའི་གོ་སྐབས་སྤྲོད་དགོས།

ནུབ་ཆིངས་དམག་དོན་སྒྲིག་འཛུགས་ཀྱི་ནང་ཁུལ་འགལ་ཟླ།

ནུབ་ཆིངས་དམག་དོན་སྒྲིག་འཛུགས་ཀྱི་ཚོགས་འཐུས་རྒྱལ་ཁབ་ཁག་གི་ཆེས་མཐོའི་འགོ་ཁྲིད་རྣམ་པའི་ལོ་འཁོར་ཚོགས་ཆེན་ལ་གྲ་སྒྲིག་བྱེད་ཀྱི་ཡོད་ཀྱང་སྒྲིག་འཛུགས་དེའི་ནང་ཁུལ་དུ་འགལ་ཟླ་ཆེན་པོ་ཞིག་ཡོད་ཅིང་། ཉེ་སྔོན་ཧྥ་རན་སིའི་སྲིད་འཛིན་གྱིས་ཨ་མི་རི་ཀས་ནུབ་ཆིངས་དམག་དོན་སྒྲིག་འཛུགས་ལ་སྔར་བཞིན་འགོ་ཁྲིད་མི་བྱེད་པར་ནུབ་ཕྱོགས་ཀྱི་དམག་དོན་སྒྲིག་འཛུགས་དེར་འགོ་ཁྲིད་མེད་པར་ནུས་པ་ཉམས་ཀྱི་འདུག