བོད།

རྒྱས་སྟོང་ཚེ་རིང་སྒྲོལ་མ་འདས་གྲོངས།

བོད་པའི་བུད་མེད་བྱས་རྗེས་ཅན་རྒྱས་སྟོང་ཚེ་རིང་སྒྲོལ་མ་ལགས་འདས་གྲོངས་སུ་གྱུར་པའི་ཡིད་སྐྱོའི་གནས་ཚུལ་ཐོན་ཡོད་ཅིང་། དེ་ཡང་བོད་ཀྱི་བུད་མེད་ལྷན་ཚོགས་ཀྱིས་སྤེལ་པའི་གསལ་བསྒྲགས་དང་དྲྭ་ལམ་ཁག་ཏུ་གནས་ཚུལ་སྤེལ་པར་གཞིགས་ན་ཡོངས་གྲགས་སུ་རྒྱས་སྟོང་སྙིང་ལགས་སམ། ཡང་ན་རྒྱས་སྟོང་ཨ་མ་ཚེ་རིང་སྒྲོལ་མ་ལགས་ཞེས་ཞུ་བའི་དམ་པ་དེ་ཉིད་སྤྱི་ལོ་༢༠༡༨་ལོའི་ཕྱི་ཟླ་༣་པའི་ཚེས་༥་སྟེ། རེས་གཟའ་ཟླ་བའི་ཕྱི་དྲོར་ཁེ་ན་ཌའི་སྨན་ཁང་ཞིག་ཏུ་དགུང་གྲངས་༨༩་ཐོག་ཏུ་འདས་གྲོངས་སུ་གྱུར་འདུག