སྤྱི་ལོ་ ༡༩༥༩ ལོའི་ཟླ་ ༣ ཚེས་ ༡༠ ཉིན་བོད་ཀྱི་རྒྱལ་ས་ལྷ་སར་བོད་མི་ཚོས་རྒྱ་ནག་གཞུང་ལ་ངོ་རྒོལ་སྒེར་ལངས་ཀྱི་བྱུང་རིམ་དང་། སྐབས་དེའི་གནས་སྟངས་སྐོར་ལ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་སྤྱི་ལོ་༢༠༠༩ ལོར་དམིགས་བསལ་བཅར་འདྲི་ཞུས་པ་ཞིག་བསྐྱར་དུ་གསན་རོགས་གནང་།
ཨ་རིའི་རྒྱལ་ས་ཝ་ཤིན་ཀྲོན་དུ་བོད་ཀྱི་སུམ་བཅུའི་དུས་དྲན་ཐེངས་༥༩་བ་སྲུང་བརྩི།
ད་རིང་སྤྱི་ལོ་༢༠༡༨ལོའི་སྤྱི་ཟླ་༣ ཚེས་༡༠ ཉིན་མོ་འདི་ནི་༡༩༥༩ལོར་བོད་ཀྱི་རྒྱལ་ས་ལྷ་སར་བོད་མི་ཡོངས་ཀྱིས་རྒྱ་ནག་གི་བཙན་འཛུལ་ལ་ངོ་རྒོལ་བྱས་ནས་ལོ་༥༩འཁོར་པའི་དུས་དྲན་ཡིན་ཞིང་། གསུམ་བཅུའི་དུས་དྲན་གྱི་ཉིན་མོ་འདིར་འཛམ་གླིང་གི་ས་ཕྱོགས་གང་སར་ཡོད་པའི་བོད་པ་ཚོས་ཡིད་གདུང་དྲག་པོའི་སྒོ་ནས་དམིགས་བསལ་གྱི་ཉིན་མོ་འདིར་དྲན་གསོའི་སྲུང་བརྩི་ཞུས་ཡོད་པ་མ་ཟད།
བོད་མིའི་རང་དབང་སྒེར་ལངས་ཐེངས་༥༩་པར་སྲུང་བརྩི་ཞུ་བའི་གསུམ་བཅུའི་དུས་དྲན་གྱི་སྔ་ནུབ་ཏུ་རྒྱ་གར་གྱི་རྒྱལ་ས་ལྡི་ལི་གསར་པར་བཅའ་སྡོད་རྒྱ་ནག་གི་གཞུང་ཚབ་ཁང་གི་མདུན་དུ་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་མི་ཚོས་ངོ་རྒོལ་ལས་འགུལ་སྤེལ་བའི་སྐབས་སུ་གཞོན་ནུའི་ཚོགས་མི་༨༠་ཙམ་རྒྱ་གར་གཞུང་གི་ཉེན་རྟོག་པས་འཛིན་བཟུང་བྱས་ཡོད་པ་དང་། འཛིན་བཟུང་བྱས་པ་དེ་དག་གི་གྲས་སུ་བུ་མོ་༢༥་ཡོད་པ་སོགས་ཀྱི་སྐོར།
གསུམ་བརྒྱད་མཆོད་འབུལ་སྨོན་ལམ།
ལོ་རེའི་སྤྱི་ཟླ་༣་པའི་ཚེས་༨་ཉིན་རྒྱལ་སྤྱིའི་ཐོག་ཏུ་གསུམ་བརྒྱད་བུད་མེད་ཀྱི་དུས་ཆེན་ཉིན་མོར་སྲུང་གཙི་བྱེད་བཞིན་ཡོད་ཅིང་། དེ་རིང་ཕྱི་ཟླ་༣་ཚེས་༨་ཉིན་བཞུགས་སྒར་རྡ་རམ་ས་ལར་དབུས་བོད་ཀྱི་བུད་མེད་ལྷན་ཚོགས་ཀྱིས་སེར་སྐྱ་ཕོ་མོ་རྒན་གཞོན་ཡོངས་ལ་བུད་མེད་ཀྱི་བཀའ་དྲིན་དྲན་དགོས་པ་དང་བུད་མེད་ལ་བརྩི་མཐོང་བྱ་དགོས་པ་བཅས་ཀྱི་རྣམ་པ་མཚོན་པའི་དུས་ཆེན་སྲུང་གཙི་བྱས་ཡོད་པ་རེད།།
བོད་མདོ་སྨད་རྔ་པ་རྨེའུ་རུ་མ་ཡུལ་ཚོའི་རུ་ཆེན་བཞི་པའི་ཚེ་ཁོ་ལགས་ཀྱིས་ཁ་སང་སྤྱི་ཟླ་༣་པའི་ཚེས་༧་ཉིན་རང་ལུས་མེར་སྲེག་བཏང་སྟེ་རྒྱ་ནག་གཞུང་གིས་བོད་ལ་འཛིན་པའི་སྲིད་ཇུས་དེར་ཞི་བའི་ངོ་རྒོལ་བྱས་ཡོད་ཅིང་། གཤམ་ལ་ཚེ་ཁོ་དམ་པ་དེ་ཉིད་ཀྱིས་རང་སྲེག་ངོ་རྒོལ་བྱས་པའི་ཞིབ་ཕྲའི་གནས་ཚུལ་སྐོར་རྒྱ་གར་རྡ་རམ་ས་ལའི་ཀིརྟི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་ཀ་ཉག་ཚེ་རིང་ལགས་ལ་བཅར་འདྲི་ཞུས་ཡོད་ཞིག་གསན་རོགས་གནང་།།
སྤྱི་ལོ་༡༩༥༩་ལོ་ནས་ད་ལྟའི་བར་དུ་བོད་ཀྱི་བསྟན་པ་དང་ཆབ་སྲིད། བོད་གངས་ཅན་ལྗོངས་ཀྱི་སྣོད་བཅུད་སྲུང་སྐྱོབ་ཆེད་དུ་ཆེ་སྲོག་ཤོར་པ་དང་སྐུ་ལས་བསྐྱོན་མཁན་ཡོངས་ཀྱི་བཀའ་དྲིན་རྗེས་དྲན་མཚོན་ཐབས་སུ་དབུས་བོད་མིའི་སྒྲིག་འཛུགས་ཀྱིས་བཞུགས་སྒར་དྷ་རམ་ས་ལར་མཆོད་འབུལ་སྨོན་ལམ་རྒྱ་ཆེན་པོ་ཞིག་ཚོགས་ཡོད་པའི་སྐོར།
བོད་པའི་བུད་མེད་བྱས་རྗེས་ཅན་རྒྱས་སྟོང་ཚེ་རིང་སྒྲོལ་མ་ལགས་འདས་གྲོངས་སུ་གྱུར་པའི་ཡིད་སྐྱོའི་གནས་ཚུལ་ཐོན་ཡོད་ཅིང་། དེ་ཡང་བོད་ཀྱི་བུད་མེད་ལྷན་ཚོགས་ཀྱིས་སྤེལ་པའི་གསལ་བསྒྲགས་དང་དྲྭ་ལམ་ཁག་ཏུ་གནས་ཚུལ་སྤེལ་པར་གཞིགས་ན་ཡོངས་གྲགས་སུ་རྒྱས་སྟོང་སྙིང་ལགས་སམ། ཡང་ན་རྒྱས་སྟོང་ཨ་མ་ཚེ་རིང་སྒྲོལ་མ་ལགས་ཞེས་ཞུ་བའི་དམ་པ་དེ་ཉིད་སྤྱི་ལོ་༢༠༡༨་ལོའི་ཕྱི་ཟླ་༣་པའི་ཚེས་༥་སྟེ། རེས་གཟའ་ཟླ་བའི་ཕྱི་དྲོར་ཁེ་ན་ཌའི་སྨན་ཁང་ཞིག་ཏུ་དགུང་གྲངས་༨༩་ཐོག་ཏུ་འདས་གྲོངས་སུ་གྱུར་འདུག
ཟླ་བ་འདིའི་སྤྱི་ཚེས་བདུན་དང་རེས་གཟའ་ལྷག་པའི་ཉིན་དབྱིན་ཡུལ་ནང་གི་བོད་མི་དང་བོད་དོན་རྒྱབ་སྐྱོར་བ་མང་པོ་ཞིག་གིས་གྲོས་ཚོགས་འཐུས་མི་དང་གྲོས་ཚོགས་འཐུས་མི་ཚོའི་ལས་བྱེད་ཚོ་དང་ཐུག་འཕྲད་གནང་སྟེ་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་དང་། ལྷག་པར་དུ་བོད་ནང་གི་ཆབ་སྲིད་བཙོན་པ་ཚོ་བཙོན་གྲོལ་ཡོང་ཐབས་ཐད་དབྱིན་ཇིའི་གྲོས་ཚོགས་འཐུས་མི་ཚོས་རྒྱ་ནག་གཞུང་ལ་གནོན་ཤུགས་སྤྲོད་དགོས་པ་སོགས་ཀྱི་གནད་དོན་ཐད་ཞུ་སྐུལ་ལས་འགུལ་སྤེལ་ཡོད་པའི་སྐོར་
དབུས་བོད་མིའི་སྒྲིག་འཛུགས་ཀྱིས་༢༠༡༨་ལོ་འདི་རྒྱ་གར་གཞུང་དམངས་གཉིས་ལ་ཐུགས་རྗེ་ཆེ་ཞུ་བའི་ལས་འགུལ་གྱི་ལོ་ཞིག་ལ་སྲུང་བརྩི་ཞུས་ཏེ། འདས་པའི་ལོ་༦༠་ཐམ་པའི་རིང་ལ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གཙོས་བོད་པ་བཙན་བྱོལ་བ་ཚོར་རྒྱ་གར་གཞུང་དམངས་གཉིས་ཀྱིས་བཀའ་དྲིན་ཆེན་པོས་གཟིགས་སྐྱོང་གནང་བའི་རྗེས་སུ་ཡི་རངས་ཞུ་བའི་ལས་འགུལ་ཁག་རྒྱ་གར་གྱི་རྒྱལ་ས་ལྡི་ལི་གསར་པར་སྤེལ་རྒྱུའི་འཆར་གཞི་ཡོད་པ་རྣམས་བཞུགས་སྒར་རྡ་རམ་ས་ལར་གནས་སྤོར་བྱས་ཡོད་
ཕྱི་ལོ་༢༠༡༨་ཕྱི་ཟླ་༣་པའི་ཚེས་༧་ཉིན་མི་སྐྱ་ཚེ་ཁོ་ལགས་ཀྱིས་རྒྱ་གཞུང་གིས་བོད་ལ་འཛིན་པའི་སྲིད་ཇུས་ལ་ཞི་བའི་ངོ་རྒོལ་བྱས་ཏེ་འདས་གྲོངས་སུ་ཕྱིན་པའི་གནས་ཚུལ་ཐོན་ཡོད། ཡིན་ནའང་ཁོང་གིས་སྐད་འབོད་ཅི་ཞིག་བྱས་ཡོད་པ་དང་ཕུང་པོ་ནང་མི་ཚོའི་ལག་ཏུ་རེག་ཡོད་མེད་བཅས་ཀྱི་ཞིབ་ཕྲའི་གནས་ཚུལ་གང་ཡང་ཤེས་རྟོགས་མེད་ཅིང་།
མང་སྣོན།