དགོང་དྲོའི་རླུང་འཕྲིན། ༢༠༢༡ཟླ་ ༡་ཚེས་༢༠

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་སྲིད་འཛིན་ཨང་༤༦ པའི་དམ་འབུལ་མཛད་སྒོ་དང་། སྲིད་འཛིན་གཙོ་གཞོན་གཉིས་ངོ་སྤྲོད། ༧གོང་ས་མཆོག་གིས་ཧར་ཝར་སློབ་ཆེན་གྱི་དགེ་སློབ་དང་བཀའ་མོལ། བཞུགས་སྒར་དུ་ཏོག་ནད་འགོག་ཁབ་རྒྱག་འགོ་ཚུགས་པ་སོགས་ཡོད། ཐེངས་འདིའི་ཀུན་གླེང་དུ་ཚེ་རིང་སྐྱིད་ལགས་དང་ཚེ་བརྟན་དབང་ཕྱུག་ལགས་གཉིས་ཀྱིས་ཨ་རིའི་སྲིད་འཛིན་གྱི་དམ་འབུལ་མཛད་སྒོ་ངོ་སྤྲོད་དང་། པདྨ་རྡོ་རྗེ་ལགས་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་བུ་ཆུང་ཚེ་རིང་ལགས་དང་། འབུམ་རམས་སློབ་གཉེར་བ་ཚེ་དབང་རིག་འཛིན་གཉིས་ལ་བྷ་ཌན་གཞུང་གི་སྲིད་ཇུས་གསར་པ་དང་གདོང་ལེན་བྱ་དགོས་པའི་དཀའ་ངལ་སོགས་ཀྱི་ཐད་བགྲོ་གླེང་ཞུས་ཡོད་པས་དུས་ཐོག་གཟིགས་པར་ཞུ།།