རྒྱ་ནག་གི་དྲག་ཆས་ཉེན་རྟོག་པ་རྙིང་པ་ཚོས་ནང་སོག་གི་ས་ཁུལ་ཞིག་ཏུ་གསར་ཞུགས་དྲག་ཆས་ཉེན་རྟོག་པ་ཚོར་རྡུག་རྡེག་བཏང་བ་དང་ཐུབ་ཚོད་ཚད་མེད་བྱེད་ཀྱི་ཡོད་པའི་བརྙན་འཕྲིན་ཞིག་ཕྱི་ལ་ཐོན་ཡོད་ཅིང་། དེར་བརྟེན་རྒྱ་ནག་གིདྲ་ལམ་ཁག་ཏུ་བརྙན་འཕྲིན་དེར་དོ་སྣང་དང་དྲག་ཆས་ཉེན་རྟོག་པར་སྐྱོན་བརྗོད་བྱེད་ཀྱི་ཡོད་པ་མ་ཟད། ད་ཐེངས་ཀྱི་བརྙན་འཕྲིན་དེས་རྒྱ་གཞུང་གི་དྲག་ཆས་ཉེན་རྟོག་པ་ཚོས་བོད་ཀྱི་ས་གནས་ཁག་ཏུ་བོད་པ་ཚོར་ཉེས་རྡུང་ཇི་ལྟར་གཏོང་གི་ཡོད་མེད་ཚོད་དཔག་ཐུབ་པ་ཞིག་རེད་ཅེས་བོད་ཀྱི་འགྲོ་བ་མིའི་ཐོབ་ཐང་ཚོགས་པ་ཞིག་གིས་འགྲེལ་བརྗོད་གནང་ཡོད་པའི་སྐོར། བསོད་ནམས་གཡང་འཛོམས་ལགས་ཀྱིས་སྙན་སྒྲོན་ཞུ་ཡི་རེད།།
