ཨ་མི་རི་ཀའི་གསང་བའི་ལས་ཁང་ཁག་གིས་འཇིགས་སྐུལ་རིང་ལུགས་པ་ཚོས་གཏོར་རྒོལ་ཆེན་པོ་ཞིག་བྱ་འཆར་ཡོད་པ་ཤེས་རྟོགས་བྱུང་སྟེ། ཐོག་མར་འདས་པའི་གཟའ་མཇུག་དེར་འཛམ་གླིང་གི་ཁ་ཆེའི་རྒྱལ་ཁབ་ཁག་ཏུ་བཅའ་སྡོད་ཨ་མི་རི་ཀའི་གཞུང་ཚབ་ཁང་དང་ཨ་རིའི་ཕྱི་འབྲེལ་སྐུ་ཚབ་དོན་གཅོད་ཁང་བཅས་ཁྱོན་བསྡོམས་ཨ་མི་རི་ཀའི་གཞུང་ཚབ་ཁང་དང་ཕྱི་འབྲེལ་སྐུ་ཚབ་དོན་གཅོད་ཁང་༢༢་སྒོ་བརྒྱབ་དགོས་པའི་ཐག་གཅོད་ཀྱང་། ད་ལྟ་དཀྱིལ་ཤར་ས་ཁུལ་གྱི་ཁ་ཆེའི་རྒྱལ་ཁབ་ཁག་དང་ཨ་ཧྥི་རི་ཀའི་བྱང་ཕྱོགས་ཀྱི་ཁ་ཆེའི་རྒྱལ་ཁབ་ཁག་ཏུ་བཅའ་སྡོད་ཨ་རིའི་གཞུང་ཚབ་ཁང་དང་ཕྱི་འབྲེལ་སྐུ་ཚབ་དོན་གཅོད་ཁང་༡༩་ཟླ་བ་འདིའི་ཚེས་༡༠་བར་དུ་སྒོ་བརྒྱབ་དགོས་པའི་ཐག་གཅོད་བྱས་ཡོད་ཅིང་། འཇིགས་སྐུལ་རིང་ལུགས་པ་ཚོས་ཨ་མི་རི་ཀའི་གཞུང་ཚབ་ཁང་དང་ཕྱི་འབྲེལ་སྐུ་ཚབ་དོན་གཅོད་ཁང་གང་ཞིག་ལ་གཏོང་རྒོལ་ཆེན་པོ་ཞིག་བྱེད་པའམ། ཡང་ན་འཇིགས་སྐུལ་རིང་ལུགས་པ་ཚོས་ཨ་མི་རི་ཀའི་གཞུང་ཚབ་ཁང་དང་ཕྱི་འབྲེལ་སྐུ་ཚབ་དོན་གཅོད་ཁང་མང་དག་ཅིག་ལ་དུས་གཅིག་ཏུ་གཏོར་རྒོལ་བྱ་འཆར་ཡོད་མེད་གསལ་བོར་ཤེས་རྟོགས་བྱུང་མེད་པ་རེད།།
