ངོ་འཕྲད་བདེ་བའི་དྲ་འབྲེལ།

ད་ལོའི་ཕྱི་ཟླ་༥་འདི་རྒྱ་ནག་དམར་ཤོག་གི་འགོ་ཁྲིད་མའོ་ཙེ་ཏུང་གིས་སྐུལ་སློང་བྱས་པའི་རིག་གནས་གསར་བརྗེ་ཆེན་པོ་ཟེར་པ་དེ་འགོ་ཚུགས་ནས་ལོ་ལྔ་བཅུ་ཕྱིན་ཡོད་ཅིང་། ལོ་རྒྱུས་ཀྱི་གཡོ་འགུལ་ཆེ་བའི་ལེའུ་དེའི་ནང་དུ་རྒྱ་ནག་ཁྱོན་ཡོངས་སུ་བརྡབ་སིག་ཆེན་པོ་བྱུང་ཡོད་པ་མ་ཟད། ལྷག་པར་དུ་བོད་ལ་རྒྱ་ནག་གཞུང་གིས་རིག་གནས་གསར་བརྗེའི་ལས་འགུལ་སྤེལ་ནས་བོད་ཀྱི་ཆོས་དང་རིག་གཞུང་རྩ་མེད་གཏོང་ཐབས་བྱས་ཏེ། བོད་མི་རིགས་ཀྱིས་དེ་སྔ་བྱུང་མྱོང་མེད་པའི་དཀའ་སྡུག་གི་ལོ་རྒྱུས་དུམ་བུ་ཞིག་བརྒྱུད་དགོས་བྱུང་ཡོད་པ་རེད། ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱིས་རིག་གནས་གསར་བརྗེ་ལངས་ནས་ལོ་སུམ་བཅུ་ཕྱིན་པའི་སྐབས་སུ་བོད་ལ་རིག་གནས་གསར་བརྗེ་ཟེར་བ་དེ་གང་འདྲ་བྱུང་ཡོད་པ་བཅས་ལ་ལེའུ་དྲུག་ཅན་གྱི་དམིགས་བསལ་ལས་རིམ་ཞིག་གོ་སྒྲིག་ཡོད་པ་རྣམས་གསན་རོགས་གནང་།

XS
SM
MD
LG