རྒྱ་ནག་གཞུང་གིས་རྒྱ་ནག་ནང་གི་གསར་ཁང་ཁག་དང་། དུས་དེབ། སྒེར་གྱི་དྲ་ལམ་སོགས་བརྒྱུད་ལམ་ཚང་མར། གཞུང་གི་ཆོག་མཆན་ཡོད་པའི་གནས་ཚུལ་ལས་གཞན་རྩོམ་ཡིག་དང་གནས་ཚུལ་གང་རུང་སྤེལ་རྒྱུ་འཀག་སྡོམ་གྱི་སྒྲིག་གཞི་གསར་བ་ཞིག་གཏན་འབེབས་བྱ་རྒྱུ་ཐག་གཅོད་བྱས་ཡོད་པ་དང་། སྒྲིག་གཞི་གསར་བ་དེའི་ནང་དུ་ཕྱི་རྒྱལ་གྱི་གསར་འགྱུར་ཁག་འཀག་སྡོམ་དང་ཡང་སྤྱི་ཚོགས་འབྲེལ་མཐུད་དྲ་རྒྱ་བརྒྱུད་པའི་གནས་ཚུལ་རྣམས་བཀག་སྡོམ་བྱ་རྒྱུ་ཡིན་པ་རེད། འདིའི་སྐོར་ཚེ་རིང་སྐྱིད་ཀྱིས་སྙན་སྒྲོན་ཞུ་གི་རེད།
